Belçika ilk F-35 hərbi təyyarələrini təhvil aldı

Belçika, Birləşmiş Ştatlardan (ABŞ) uzun müddətdir gözlədiyi üç F-35 hərbi təyyarəsini təhvil aldı. BELÇİKA F-35 TƏYYARƏLƏRİNİ ALDI Belçika Hərbi Hava Qüvvələri ilk üç F-35 döyüş təyyarəsini Florennes Hava Bazasında qəbul etdi. Belçika Kralı Filipp (sağdan 2-ci), Belçikanın Müdafiə və Xarici Ticarət Naziri Teo Franken (sağdan 3-cü), ordunun müasirləşməsini və NATO daxilində əməkdaşlığın güclənməsini simvolizə edən təhvilvermə mərasimində iştirak etdilər.

TÜRKİYƏNİN F-35 PROQRAMINDAN KƏNARLAŞDIRILMASI NATO üzvü olan Türkiyə, 2019-cu ildə Rusiyadan ümumi dəyəri 2,5 milyard dollar olan S-400 hava hücumundan müdafiə sistemi almasından sonra, istehsalçı tərəfdaşlarından biri olduğu F-35 proqramından rəsmi olaraq 2021-ci ildə kənarlaşdırıldı.

ABŞ və NATO Türkiyənin bu sistemi almasını alyansın müdafiə inteqrasiyası baxımından problem hesab edir; Rusiya istehsalı olan S-400 sisteminin ittifaqın müdafiəsinə qarşı təhlükə yaratdığını və bu sistemin F-35-lər haqqında kəşfiyyat məlumatları toplaya biləcəyi barədə xəbərdarlıq etmişdi. Türkiyəyə Rusiyadan aldığı bu sistemə görə “Amerikanın Rəqiblərinə Sanksiyalar Yolu ilə Qarşı Durma Qanunu (CAATSA)” adı ilə tanınan qanun çərçivəsində sanksiyalar tətbiq edilmişdi.