Azərbaycanın bu rayonunda ilk dəfə avtovağzal olacaq - FOTO
Şəmkir rayonunda yeni avtovağzal kompleksinin tikintisi nəzərdə tutulur.
Bu barədə Şəmkir rayon İcra Hakimiyyətindən məlumat verilib. Məlumata əsasən yeni avtovağzalın ümumi sahəsi 5 hektardır. Avtovağzal kompleksində ticarət mərkəzi, gözləmə zalı, uşaq əyləncə mərkəzi fəaliyyət göstərəcək.
Avtovağzaldan ölkənin bütün istiqamətlərinə sərnişin daşınması həyata keçiriləcək. Avtovağzal kompleksinin 2021-ci ilin əvvələrində istifadəyə verilməsi nəzərdə tutulur.
Məlumat üçün bildirək ki, Şəmkir rayonunda heç vaxt avtovağzal olmayıb.
