Azərbaycanda reanimasiyada olan koronavirus xəstələrinin sayı azaldı

Azərbaycanda süni tənəffüs cihazında olan koronavirus xəstələrinin sayı artaraq 77 nəfərə çatıb.

Bu barədə  Tibbi Ərazi Bölmələrini İdarəetmə Birliyinə (TƏBİB) istinadən xəbər verir.

Ötən gün süni tənəffüs cihazında olan koronavirus xəstələrinin sayı 68 nəfər idi.

Məlumata görə, xəstəxanaların reanimasiya şöbələrində müalicə edilən xəstələrin sayı 327 nəfərdir. Qeyd edək ki, ötən gün bu rəqəm 345 nəfər idi.

Azərbaycanda 471 yeni koronavirus infeksiyasına yoluxma faktı qeydə alınıb, 549 nəfər müalicə olunaraq sağalıb və evə buraxılıb. COVID-19 üçün götürülən analiz nümunələri müsbət çıxmış 7 nəfər vəfat edib.

Hazırkı dövrədək ölkəmizdə 26 636 nəfərin koronavirus infeksiyasına yoluxması faktı müəyyən edilib. Onlardan 17 805  nəfər müalicə olunaraq sağalıb, 341 nəfər vəfat edib. Aktiv xəstə sayı 8 490 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 9 023, ötən müddət ərzində isə 610 523 test aparılıb.