17 Qol Vuran Türk Futbolçu Gündəmdə: Dünya 66-0 Hesablı Qarşılaşmanı Müzakirə Edir

Almaniyanın Hamburq bölgəsindəki həvəskar liqada tarixə düşəcək bir nəticə qeydə alınıb. "Mesopotamien 2" cəmi 7 nəfərlə meydana çıxan "Moorburg"u 66-0 hesabı ilə darmadağın edib. Türk əsilli futbolçu Ömər Yıldırım isə oyunda düz 17 qol vuraraq qarşılaşmaya öz möhürünü vurub.

7 NƏFƏRLƏ MEYDANA ÇIXAN KOMANDAYA QOL YAĞIŞI
Hamburq Həvəskarlar Liqasının 9-cu həftəsində keçirilən "Mesopotamien 2" – "Moorburg" qarşılaşması futbol tarixində nadir rast gəlinən bir hesabla başa çatıb. Oyuna 7 futbolçu ilə başlamaq məcburiyyətində qalan "Moorburg", 90 dəqiqə ərzində rəqibinin təzyiqinə tab gətirə bilməyib və meydanı 66-0 kimi tarixi bir məğlubiyyətlə tərk edib.

TÜRK FUTBOLÇUDAN 17 QOLLUQ ŞOU!
"Mesopotamien 2"nin ulduzu Ömər Yıldırım bu matçda düz 17 qol vuraraq sözün əsl mənasında rekord müəyyənləşdirdi. Yıldırımla yanaşı, onun komanda yoldaşları İbrahim Çaban (9), Raduan Troudi (10), Luka Milan Makoçeviç (7), Razak Mako Alassani (4), Hiçam El Youbi (4), Valid Çaban (2), Qabriel Çakır (3), Patrik Stritzki (1) və Yan Qərib De Sousa Baptista (1) da qol sevincini yaşadı. Rəqib "Moorburg"un oyunçuları isə 9 dəfə öz qapılarına avtoqol vurublar.

"MESOPOTAMIEN 2" ZİRVƏDƏDİR
Bu tarixi hesabla "Mesopotamien 2" 3 xalı silinməsinə baxmayaraq, 24 xalla liqanın zirvəsində qərarlaşıb. Liqada hələ də xal qazana bilməyən "Moorburg" isə sonuncu pillədədir. Hamburq həvəskar futbol ictimaiyyəti bu matçın "Almaniya futbol tarixinin ən böyük fərqli qələbələrindən biri" kimi qeyd ediləcəyini bildirib.

SOSİAL MEDİADA GÜNDƏM OLDU
Qarşılaşmadan sonra sosial şəbəkələrdə minlərlə paylaşım edilib. İstifadəçilər "PlayStation oyunu kimi hesab!" və "FIFA-da da bu qədər qol olmur" kimi şərhlərlə matçı ən çox danışılan hadisəyə çeviriblər.