Bakıda IV Təhlükəsizlik Forumu keçirilib
Sentyabrın 22-də Bakıda IV Təhlükəsizlik Forumu keçirilib. Tədbir Azərbaycan Respublikası Dövlət Təhlükəsizliyi Xidmətinin təşkilatçılığı ilə baş tutub. Forumda beynəlxalq təşkilatların və 100-dən artıq ölkənin xüsusi xidmət orqanlarının nümayəndələri iştirak edib.
DTX rəisi beynəlxalq təhlükəsizlik mexanizmlərini tənqid edib
Dövlət Təhlükəsizliyi Xidmətinin rəisi, general-polkovnik Əli Nağıyev IV Bakı Təhlükəsizlik Forumunda çıxışı zamanı bildirib ki, beynəlxalq təhlükəsizlik sistemi dərin keçid dövrü yaşayır. Onun sözlərinə görə, ənənəvi mexanizmlər yeni təhdidlərə çevik cavab verə bilmir.
Azərbaycan və Ermənistan birbaşa dialoqu davam etdirəcək
Azərbaycan Respublikasının xarici işlər naziri Ceyhun Bayramov və Ermənistan Respublikasının xarici işlər və beynəlxalq ticarət naziri Ararat Mirzoyan sentyabrın 24-də Birləşmiş Millətlər Təşkilatının Baş Assambleyası çərçivəsində Nyu-Yorkda görüşüb. Görüşdə tərəflər birbaşa dialoqu davam etdirmək barədə razılığa gəliblər.
Bayramov ABŞ biznes dairələri ilə görüşüb
Xarici işlər naziri Ceyhun Bayramov Nyu-Yorkda BMT Baş Assambleyasının 81-ci sessiyası çərçivəsində ABŞ Ticarət Palatasının İcraçı Dəyirmi Masa toplantısında çıxış edib. Tədbirdə aparıcı korporasiyaların rəhbərləri və ABŞ-nin əsas şirkətlərinin nümayəndələri iştirak edib. Nazir görüşdə Azərbaycanın strateji prioritetlərini açıqlayıb.
Paşinyan Ermənistanın xarici siyasət kursu barədə danışıb
Ermənistanın Baş Naziri Nikol Paşinyan bildirib ki, Ermənistan Avropa İttifaqı ilə yaxınlaşma fonunda balanslaşdırılmış xarici siyasət kursunu davam etdirəcək. Bu barədə Ermənistan KİV-i məlumat yayıb.
İlham Əliyev Çin və İtaliya şirkətlərinin rəhbərlərini qəbul edib
Azərbaycan Prezidenti İlham Əliyev sentyabrın 24-də Çinin "01.AI" və "Sinovation Ventures" şirkətlərinin baş icraçı direktoru Kei-Fu Lini və İtaliyanın "TEHA Group" şirkətinin Beynəlxalq sammitlər üzrə kordinatoru və Səudiyyə Ərəbistanı üzrə inkişaf rəhbərini qəbul edib.
Qazaxıstana başsağlığı verilib
Azərbaycan müdafiə naziri general-polkovnik Zakir Həsənov Qazaxıstan müdafiə naziri general-leytenant Dauren Kosanova başsağlığı ünvanlayıb. Bu barədə Müdafiə Nazirliyindən məlumat verilib. Başsağlığı Xəzər dənizində baş verən təlim hadisəsi ilə əlaqədar göndərilib.
Zəfərin regionda yaratdığı yeni reallıq müzakirə olunub
Milli Məclisin deputatı Könül Nurullayeva "Report"a açıqlamasında bildirib ki, altı il əvvəl başlayan və 44 gün davam edən İkinci Qarabağ müharibəsi 30 ilə yaxın davam edən münaqişənin gedişində həlledici mərhələ olub. Onun sözlərinə görə, Azərbaycanın Zəfəri regionda yeni siyasi və təhlükəsizlik reallığı formalaşdırıb.
Azad edilən ərazilərə 3,4 milyard manat ayrılacaq
2027-ci ildə işğaldan azad olunmuş ərazilərin yenidən qurulması və bərpası üçün dövlət büdcəsindən 3,4 milyard manat vəsait ayrılacaq. Bu barədə Baş nazir Əli Əsədov Nazirlər Kabinetində keçirilən iclasda məlumat verib.
Fransa Səudiyyə Ərəbistanında enerji obyektini qoruyacaq
Fransa Prezidenti Emmanuel Makron Səudiyyə Ərəbistanının strateji enerji obyektlərindən biri olan Yanbu limanının qorunması üçün hərbi vasitələr göndərəcəyini açıqlayıb. O, bunu TF1 və France 2 telekanallarına verdiyi müsahibədə deyib.