ABŞ Dövlət katibi sülh danışıqlarında TRIPP layihəsinin əhəmiyyətini açıqlayıb
ABŞ-nin Dövlət katibi Marko Rubio Ermənistan və Azərbaycan arasındakı sülh danışıqları ilə bağlı məsələyə toxunub. Dövlət katibi bəyan edib ki, TRIPP layihəsi iki ölkə arasında imzalanması gözlənilən sülh sazişinin əsas elementlərindən biridir.
Gürcüstan Prezidenti regional sabitlikdə Azərbaycanın rolunu vurğulayıb
Gürcüstan Prezidenti Mixeil Kavelaşvili Tbilisi Cümə məscidində azərbaycanlılarla görüşüb. O, Azərbaycanla Gürcüstan arasındakı sıx dostluğun regional sabitliyə təsirindən danışıb və bu münasibətlərin Cənubi Qafqazda sülhün əsasını təşkil etdiyini bildirib. Kavelaşvili həmçinin Gürcüstanda yaşayan azərbaycanlıların sosial vəziyyətinə də toxunub.
Vaşinqton və Tehran arasında Hürmüz boğazı ətrafında gərginlik davam edir
İran mediası ABŞ hərbçilərinin ölkə sərhədlərindən geri çəkiləcəyi və İrana qarşı tətbiq edilən blokadanın aradan qaldırılacağına dair qeyri-birbaşa danışıqlarda qeyri-rəsmi razılıq əldə olunduğunu iddia etsə də, Ağ Ev bu layihəni tamamilə uydurma adlandıraraq təkzib edib. Paralel olaraq, ABŞ Prezidenti Donald Tramp bəyan edib ki, İran zənginləşdirilmiş urandan imtina etsə belə sanksiyalar yüngülləşdirilməyəcək. Tramp həmçinin Oman dövlətinə qarşı Hürmüz boğazı ilə bağlı ciddi xəbərdarlıq edərək, digər ölkələr kimi hərəkət etməyəcəkləri təqdirdə onları havaya uçurmaq məcburiyyətində qalacaqlarını bildirib.
Rusiya Prezidenti Vladimir Putin Qazaxıstana rəsmi səfər edib
Rusiya Prezidenti Vladimir Putin üç gün davam edəcək rəsmi səfər çərçivəsində Qazaxıstanın paytaxtı Astanaya gəlib. Rusiya dövlət başçısını gətirən xüsusi təyyarə yerli vaxtla təxminən saat 20:30 radələrində Nursultan Nazarbayev adına Beynəlxalq Hava Limanına eniş edib.