Cindy Crawford'ın oğlu Presley Gerber 27 yaşında dünyasını dəyişib
Məşhur model Cindy Crawford'un oğlu Presley Gerber 27 yaşında həyatını itirib. Model kimi fəaliyyət göstərən Gerber, Los-Anceles Bölgəsi Məhkəmə Tibb Qurumunun qeydlərinə əsasən, sentyabrın 20-də bazar günü bir reabilitasiya mərkəzində dünyasını dəyişib. Polis ölümlə bağlı araşdırmaya başlayıb.
Tehran səmasında sirli obyekt görünüb
İranın paytaxtı Tehranın səmasında gecə saatlarında parlaq və işıqlı bir cismin görünməsi şəhərdə maraq və həyəcan doğurub. Məlumata görə, cisim müəyyən bir nöqtədə donub qalıb və arabir yavaş hərəkətlərlə istiqamətini dəyişib. Havadakı obyektin pil və ya digər uçan cihaz olub-olmadığı hələlik müəyyən edilməyib.
Almaniyada qız yataqxanasına gecə basqını olub
Almaniyada qız tələbə yataqxanasında baş verən hadisə geniş müzakirələrə səbəb olub. Yataqxana rəhbərliyi tələbələrin sevgililərini gizlicə otaqlara gətirdiyindən şübhələnərək yoxlamaya başlayıb. Nəzarət zamanı otaqların müxtəlif yerlərində gizlədilmiş şəxslər aşkar edilib.
Qarşıdakı günlərdə maqnit qasırğası gözlənilir
Sentyabrın 24-də Yer kürəsində bu payızın ikinci maqnit qasırğası baş verəcək. Bu barədə Rusiya Elmlər Akademiyasının Kosmik Tədqiqatlar İnstitutunun Günəş Astronomiyası Laboratoriyası məlumat yayıb. Qurumun tədqiqatçıları bildiriblər ki, qasırğanın təsiri bir neçə gün davam edə bilər.
Azərbaycana payız fəsli daxil olub
Azərbaycana payız fəsli daxil olub. Yeni fəsil sentyabrın 23-ü Bakı vaxtı ilə saat 04:05:08-dən etibarən başlayıb. Bu zaman gecə ilə gündüz bərabərləşir və Günəş düz şərqdə doğub, qərbdə batır. Bakı Dövlət Universitetinin Fizika fakültəsinin Astrofizika kafedrasından verilən məlumata görə, hazırda "payız bərabərliyi" adlanan astronomik hadisə yaşanır və şimal yarımkürəsində astronomik payız başlayıb.