Azərbaycan Mərkəzi Asiya və Avropa arasında istehsal bazasına çevrilir
İqtisadiyyat naziri Mikayıl Cabbarov bildirib ki, Azərbaycanın coğrafi mövqeyi, inkişaf edən nəqliyyat infrastrukturu və uzunmüddətli investisiyalar ölkəni Mərkəzi Asiya, Cənubi Qafqaz, Türkiyə və Avropa arasında mühüm iqtisadi və logistika mərkəzinə çevirib. Nazir bu barədə Bakıda keçirilən tədbirdə çıxışı zamanı deyib.
Azərbaycan dəhlizlərdən iqtisadi dəyər yaratmağa çalışır
Mikayıl Cabbarov qeyd edib ki, Azərbaycan nəqliyyat dəhlizlərinə yalnız yük daşımaları kimi deyil, mallar və xidmətlər, enerji, məlumat, kapital və insan kapitalının hərəkətini təmin edən geniş iqtisadi platforma kimi yanaşır. Bu fikirləri nazir Bakıda keçirilən forumda səsləndirib.
Prezident İlham Əliyev Investisiya Forumunun iştirakçılarına müraciət ünvanlayıb
Prezident İlham Əliyev 2-ci Azərbaycan Beynəlxalq İnvestisiya Forumunun iştirakçılarına müraciət ünvanlayıb. Sənədin mətni Azərbaycan Prezidentinin rəsmi internet saytında dərc edilib. Dövlət başçısı müraciətində qlobal iqtisadi münasibətlərin sürətlə dəyişdiyini, təchizat zəncirlərinin yenidən formalaşdığını, yeni nəqliyyat, enerji və texnoloji əlaqələrin yarandığını vurğulayıb.
TRIPP Azərbaycanın regional mərkəz rolunu gücləndirəcək
Prezident İlham Əliyev müraciətində qeyd edib ki, TRIPP Azərbaycanın regional mərkəz rolunu daha da gücləndirəcək. Dövlət başçısı Şərq-Qərb və Şimal-Cənub dəhlizlərinin əhəmiyyətini xüsusi vurğulayıb.
II Azərbaycan Beynəlxalq Investisiya Forumunda 11 sənəd imzalanıb
Bakıda keçirilən II Azərbaycan Beynəlxalq İnvestisiya Forumu (2nd Azerbaijan International Investment Forum – AIIF 2026) çərçivəsində 11 sənəd imzalanıb. İmzalanan sənədlər arasında tikinti və inkişaf sahəsində əməkdaşlıq, rəqəmsal iqtisadiyyatın inkişafı və digər sahələri əhatə edən razılaşmalar var.
Zəngəzur dəhlizinin Azərbaycana aid hissəsinin tikintisi gələn il başa çatdırılacaq
Xarici işlər nazirinin müavini Elnur Məmmədov bildirib ki, Zəngəzur dəhlizinin Azərbaycana aid hissəsində avtomobil yolunun 95 faizi və dəmir yolunun 75 faizi artıq tikilib. İşlərin 2027-ci ilin birinci yarısında tamamlanması gözlənilir.
Mərkəzi Asiya xammalının emalı Azərbaycana 15 milyard dollar qazandıra bilər
"Apollo" şirkətinin kreditləşdirmə və əsas strukturlaşdırılmış maliyyələşdirmə üzrə idarəedicisi bildirib ki, Mərkəzi Asiya ölkələrindən gətirilən xammalın emalı üçün infrastrukturun yaradılması Azərbaycanın ÜDM-nə ildə 15 milyard ABŞ dollarınadək töhfə verə bilər.
Azərbaycan uzunmüddətli investisiyalar üçün yeni iqtisadi imkanlar formalaşdırır
Azər Qarayev qeyd edib ki, Bakıda keçirilən İkinci Azərbaycan Beynəlxalq İnvestisiya Forumu Azərbaycanın qlobal investorlarla dialoqunu genişləndirən mühüm platformaya çevrilib. İki gün davam edəcək tədbirdə hökumət nümayəndələri, beynəlxalq maliyyə institutları və aparıcı şirkətlərin təmsilçiləri iştirak edir.
Biznesin kommunal xidmətlərə qoşulma xərcləri subsidiyalaşdırılacaq
İqtisadiyyat Nazirliyinə məxsus "Azərbaycan Biznesinin İnkişafı Fondu" (ABİF) ASC-nin İdarə Heyətinin sədrinin müavini Murad Abdullayev bildirib ki, Azərbaycanda bizneslərin kommunal xidmətlərə qoşulma xərcləri subsidiyalaşdırılacaq. Bu barədə o, Bakıda keçirilən II Azərbaycan Beynəlxalq İnvestisiya Forumunda çıxışı zamanı məlumat verib.