Mərkəzi Bank uçot dərəcəsini sabit saxlayıb
Azərbaycan Respublikası Mərkəzi Bankının İdarə Heyətinin qərarı ilə uçot dərəcəsi 6.5%, yuxarı həddi isə 7.5% səviyyəsində sabit saxlanılıb. Bu barədə Mərkəzi Bank məlumat yayıb. Qeyd olunub ki, faiz dəhlizinin aşağı həddi 0.5 faiz bəndi azaldılaraq 5 səviyyəsinə endirilib.
İzafi likvidlik 6,3 milyard manata çatıb
Məcburi ehtiyat kimi saxlanılmalı olan vəsaitlər nəzərə alınmadan sektorun struktur likvidlik profisiti cari ilin avqust ayının sonuna 6,3 milyard manata çatıb. Bu, ötən ilin dekabrı ilə müqayisədə 2,2 dəfə artım deməkdir. Məlumatı Mərkəzi Bank yayıb.
AİB Azərbaycanın ÜDM artımı proqnozunu endirib
Asiya İnkişaf Bankı (AİB) Azərbaycanın 2026-cı il üçün ÜDM artımı proqnozunu 2%-dən 1,6%-ə endirib. 2027-ci il üçün proqnoz isə dəyişdirilməyərək 1,8% səviyyəsində saxlanılıb. Bu barədə bankın "Asian Development Outlook" hesabatında məlumat verilib. Hesabata görə, Azərbaycanın xarici mövqeyi yüksək karbohidrogen qiymətləri hesabına sabit olaraq qalır və 2026-cı ilin birinci rübündə cari hesablar balansında 1,7 milyard dollar və ya ÜDM-in 9 faizi həcmində profisit qeydə alınıb.
AİB "Şahdəniz-2" layihəsinin maliyyələşdirilməsini tamamlayıb
Asiya İnkişaf Bankı Azərbaycanda "Şahdəniz" qaz yatağının işlənməsinin ikinci mərhələsi çərçivəsində genişləndirmə layihəsinin maliyyələşdirilməsi prosesini tamamlayıb. Bu barədə bankın məlumatında bildirilib. Qeyd olunub ki, layihə çərçivəsində 475 milyon dollar məbləğində vəsait ayrılıb.
Dağ-mədən sənayesində ixrac potensialı 2 milyard dollara çatdırılacaq
Azərbaycanda dağ-mədən və metallurgiya sənayesi üzrə illik ixrac potensialının 2025-ci ilin orta dünya qiymətləri əsasında təqribən 2 milyard ABŞ dollarına çatdırılması nəzərdə tutulur. Bu hədəf Prezident İlham Əliyevin təsdiqlədiyi "Dağ-mədən sənayesinin inkişafına dair" sənədə əsasən müəyyən edilib. Kəlbəcər rayonunda yerləşən Söyüdlü (Zod) qızıl yatağı üzrə hasilat və emal prosesinin qurulması, həmçinin sənaye istismarına başlanılması nəzərdə tutulur. Ağdərə rayonunda yerləşən "Dəmirli" Filiz Emalı Kompleksində isə 1 342 nəfər daimi işlə təmin olunub.
Hidrogen sektorunun inkişafı üzrə yeni mərhələ
Azərbaycanda hidrogen sektorunun inkişafı üzrə mərhələli plan müzakirə edilib. Bu barədə Energetika Nazirliyi yanında Bərpa Olunan Enerji Mənbələri Dövlət Agentliyi məlumat yayıb. Məlumata əsasən, Energetika Nazirliyinin sədrliyi ilə "Hidrogen istehsalı" mövzusunda görüş keçirilib.
ABŞ-Çin arasında "Busan razılaşması" uzadılıb
ABŞ-ın Maliyyə naziri Skott Bessent Çin ilə noyabrda başa çatacaq "Busan razılaşması"nın 10 yanvara qədər uzadılması barədə razılığa gəldiklərini açıqlayıb. Bessent bu barədə Fox News telekanalına müsahibəsində danışıb. Nazir bildirib ki, Çin Baş naziri ilə aparılan danışıqlar nəticəsində razılıq əldə olunub.