Xiaomi şirkətinin bazar dəyəri rekord həddə çatdı!

Xiaomi Group şirkətinin səhmlərinin dəyəri tarixdə ən yüksək səviyyəyə - 61.45 Honq Konq dollarına çatdı. Bu qalxma təkcə Xiaomi üçün deyil, həm də şirkətin qurucusu Ley Cun üçün tarixi dönüş nöqtəsini təmsil edir. Bu artımla Ley Cun Çinin ən varlı insanı oldu.

Xiaomi səhmlərindəki yüksəlişin əsas səbəbi şirkətin yeni elektrikli avtomobili YU7-yə olan böyük maraqdır. Cihazın satışa çıxarıldığı ilk saatda təxminən 300.000 ədəd möhkəm sifarişin alınması investorların inamını artırdı və səhm bazarında kəskin yüksəlişə səbəb oldu. Bunu xatırladaq ki, ilin birinci rübündə, fevral ayında səhm qiyməti 52 Honq Konq dollarına çatanda Ley Cunun şəxsi sərvəti təxminən 68 milyard dollara yüksəlmişdi. Lakin, mart ayının sonunda baş verən faciəli Xiaomi avtomobil qəzasından sonra səhmlər düşdü və Ley Cun zirvədəki yerini itirdi.

Son hadisələr isə bu düşüşü əksinə çevirdi. Forbes jurnalının 2024-cü il noyabr ayında dərc olunan "Çinin Ən Varlıları" siyahısında "Nongfu Spring" şirkətinin qurucusu 50,8 milyard dollar sərvəti ilə birinci yerdə idi. Lakin, Xiaomi səhmlərinin son qiymət artımından sonra bu reytinq dəyişdi. Xiaomi-nin avtomobil sektorunda sürətli inkişaf addımları səhmlərinin artımını dəstəkləsə də, istehsal gücünün məhdudluğu şirkətin bu yüksəlişi davamlı edib-etməyəcəyi ilə bağlı suallar doğurur.