Xbox Qiymətləri Bahalaşdı!

Microsoft şirkəti Xbox Series S və Series X oyun konsollarının qiymətlərini artırıb. Bu artım, yaxın zamanlarda satışa çıxarılacaq yeni Xbox oyunlarına da şamil olunacaq. Dollarla elan olunan qiymət dəyişikliyi, dünya üzrə tədricən qüvvəyə minəcək. Azərbaycanda qiymətlərin nə qədər təsirlənəcəyi hələlik məlum deyil.

Yeni qiymətlərə görə, Xbox Series X-in rəqəmsal versiyasının qiyməti 450 dollardan 550 dollara, diskli versiyasının qiyməti isə 500 dollardan 600 dollara yüksəlib. Xbox Series S-in 500 GB-lıq modelinin qiyməti 300 dollardan 380 dollara, 1 TB-lıq modelinin qiyməti isə 350 dollardan 430 dollara artırılıb. Lakin, bu qiymət artımı yalnız aparatlarla məhdudlaşmır. Microsoft bir çox oyunun qiymətini də artırıb. Şirkətin öz studiyalarında hazırladığı Halo, Gears of War və Forza Motorsport kimi yeni oyunlar artıq 80 dollardan satılacaq. Bu qiymət, son zamanlar sektorunda geniş yayılan AAA oyun qiymət standartı ilə üst-üstə düşür.

Oyun qiymətlərində Microsoft tərəfindən edilən bu yeniləmə, Nintendo və Rockstar kimi şirkətlərin oxşar addımlarından sonra gəlir. Nintendo Switch 2 ilə oyun qiymətlərini 80-90 dollara qədər endirməyi planlaşdırdığını açıqlamışdı. GTA VI-nın da bu qiymət aralığında satışa çıxması gözlənilir. Microsoft-un yeni qiymət siyasəti, Xbox Game Pass platformasını daha sərfəli edə bilər. Çünki bahalı qiymətə satışa çıxarılacaq oyunların bir çoxu, Game Pass kataloqunda ilk gündən əlavə olunur.