Ubisoft Mikrotranzaksiya Siyasətini Müdafiə Edərkən Oyunçuları Qəzəbləndirir

Fransız oyun şirkəti Ubisoft, 2025-ci il maliyyə hesabatında verdiyi açıqlama ilə oyun aləmində yeni bir müzakirəyə səbəb oldu. Şirkət oyunlarına əlavə etdiyi mikrotranzaksiyaların oyun təcrübəsini "daha əyləncəli" etdiyini bildirdi. Bu açıqlama, hətta tək oyunçu oyunlarında belə belə bir sistemin tətbiqinə tənqid edən oyunçular tərəfindən sərt tənqidlə qarşılandı.

Ubisoft hesabatına görə, oyunçular premium, tam versiyalı oyunu aldıqdan sonra əlavə ödəniş etmədən oyunun bütün hissələrini oynaya bilərlər. Lakin şirkət qeyd edir ki, bu modelə əlavə olaraq mikrotranzaksiyalar vasitəsilə təklif olunan bəzi elementlər oyun təcrübəsini daha da yaxşılaşdırır. Açqlamada deyilir: "Premium oyunlardakı gəlir əldə etmə təklifimiz oyunçuların avatarlarını fərdiləşdirməsinə və ya daha sürətli irəliləməsinə imkan verərək oyun təcrübəsini daha əyləncəli edir". Bu açıqlamada "daha sürətli irəliləmə" vurğusu, ödəniş edərək üstünlük əldə etmək mənasını verən sənayedə geniş yayılmış "pul qazanmaq" modelinə işarədir. Bu sistem bəzən pulsuz onlayn oyunlarda qəbul edilə bilsə də, artıq tam qiymət ödəmiş oyunçular üçün tək oyunçu oyunlarında bu modelin əsaslandırılması şübhə doğurur.

Oyunçular pul ödəməyənlərin oyun içindəki irəliləməsinin qəsdən yavaşlatıldığından narahatlıqlarını ifadə edirlər. Ubisoft oyun içi mikrotranzaksiyalar vasitəsilə əldə edilən avadanlıq və silahların oyunun təbii axarı vasitəsilə də əldə edilə biləcəyini iddia edir. Lakin bu müdafiə oyunçular arasında etibarını itirir. Sözügedən məzmun tez-tez rast gəlinən və ödəniş edilmədən çıxarıla bilməyən reklam lövhələri kimi qəbul edilir. Bu birbaşa oyun təcrübəsinə təsir göstərir.

Mikrotranzaksiyalar ilk dəfə 2017-ci ildə buraxılan Assassin's Creed Origins oyununda Ubisoft oyunlarına daxil oldu. O vaxtdan bəri şirkət Assassin's Creed: Shadows da daxil olmaqla, demək olar ki, bütün premium oyunlarında oxşar sistemlərdən istifadə etməyə davam edir. Bu yanaşma şirkətin gəlir modelinin daimi bir hissəsinə çevrilib. Yaxınlarda elan edilmiş yeni Ghost Recon oyununun oxşar ödəniş modelinə sahib olub-olmayacağı barədə rəsmi açıqlama yoxdur. Lakin Ubisoft-un maliyyə hesabatında mikrotranzaksiyaların açıq şəkildə müdafiəsi, bu sistemin gələcəkdə şirkət üçün əsas strategiya olaraq qalacağını göstərir.