Türkiyənin Ən Güclü Aviasiya Bombası - QAZAP

Türkiyə Milli Müdafiə Nazirliyinin Tədqiqat və İnkişaf Mərkəzi, IDEF 2025 müdafiə sənayesi sərgisində ilk dəfə ictimaiyyətə təqdim olunan, yüksək dağıdıcı qüvvəyə malik yeni bombası “QAZAP”-ı elan etdi. Təxminən 970 kiloqram ağırlığında olan MK-84 sinifli bu bomba, termik-barometrik təsiri ilə seçilir.

Partlayış zamanı ətrafa 10.000 xüsusi formalı hissəcik səpən “QAZAP”, hədəfə və geniş əraziyə təsirli şəkildə dağıdıcı təsir göstərir. Kvadrat metrə düşən 10.6 hissəcik sıxlığı, mövcud NATO standartlı MK-84 bombalarından təxminən üç dəfə yüksəkdir. Bu texnoloji üstünlük sayəsində “QAZAP”, geniş hədəf zonalarında yüksək effektivlik təmin etmək üçün hazırlanıb və mövcud MK-84 rəhbərlik dəstlər ilə tam uyğunlaşdırılıb.

Sərgidə təqdim olunan digər diqqətəlayiq sursatlar isə NEB-1 və NEB-2 “Xəyalət” bombalarıdır. Milli Müdafiə Nazirliyinin Tədqiqat və İnkişaf Mərkəzinin direktoru, maşınqayırma mühəndisi Nilüfer Kuzulu xanımın verdiyi məlumata görə, yeni NEB sursatları deşmə qabiliyyəti ilə beynəlxalq standartları xeyli üstələyir. Testlər zamanı sursat 1,5 tonluq beton bloklarından keçərək altındakı qum qutusuna çatıb və deşmə qüvvəsini aydın şəkildə nümayiş etdirib. Testlərdə istifadə olunan C50 yüksək möhkəmlikli beton, körpülər, estakadalar, strateji infrastruktur və nüvə obyektləri kimi vacib quruluşlarda üstünlük təşkil edir.