TikTok-un Avropa İttifaqında məlumat oğurluğu ilə bağlı yeni araşdırma

Avropa İttifaqı, Çin əsaslı sosial media platforması TikTok-a qarşı yeni bir araşdırma başlatdı. Araşdırmanın əsas məqsədi TikTok-un istifadəçi məlumatlarını Avropadan Çinə ötürdüyü ilə bağlı tapıntılardır. Avropa İttifaqının məlumat mühafizəsi qaydaları üzrə əsas səlahiyyətli orqanı olan İrlandiya Məlumat Mühafizəsi Komissiyası (DPC), şirkətin məlumatları Çində saxladığını açıqladıqdan sonra tədbir gördü. Avropa İttifaqı, TikTok-un şəxsi məlumatları Çinə ötürdüyünə inanır.

DPC-nin araşdırması, TikTok-un istifadəçi məlumatlarını Avropanın xaricində ötürməsi ilə bağlı dörd illik auditdən sonra başlandı. Bu proses ərzində TikTok, Avropa istifadəçilərinin məlumatlarının Çində saxlanılmadığını bildirmişdi. Lakin, şirkət apreldə məhdud miqdarda məlumanın qısa müddət ərzində Çində saxlanılıb, sonra silindiyini bildirdi. Bu etiraf əvvəlki bəyanatlarla ziddiyyət təşkil edir. DPC, şirkətin əvvəlki məlumatlarının yanlış olduğunu iddia edərək yeni bir araşdırma başlatdı.

Apreldə ortaya çıxan bu hadisədən əvvəl, may ayında TikTok 530 milyon avro cərimə edildi. Bu cərimə Çindəki işçilərin Avropada istifadəçi məlumatlarına uzaqdan daxil ola bilməsi ilə bağlı idi. TikTok bu qərarı 2 may tarixində apellyasiya etdi. Şirkət iddia edir ki, cərimə yalnız özünün deyil, Avropada fəaliyyət göstərən bütün böyük texnologiya şirkətləri üçün precednet yaradır. Yeni başlanan araşdırma, bu cərimədən asılı olmayaraq, TikTok-un Çindəki məlumat saxlama təcrübələrinə yönəlib. DPC bildirir ki, şirkət bu məlumatı yalnız apreldə könüllü olaraq açıqlayıb və bu məlumat araşdırmanın əvvəlki mərhələlərində mövcud deyildi.

TikTok rəsmiləri bildirirlər ki, məlumatların Çində saxlanıldığını özləri aşkar ediblər, müvafiq məlumatları DPC-yə könüllü olaraq bildiriblər və məlumatlar serverlərdən tez bir zamanda silinib. Şirkət iddia edir ki, Avropa istifadəçilərinin məlumatlarının böyük əksəriyyəti Norveç, İrlandiya və ABŞ-da saxlanılır, Çindəki işçilərin isə yalnız məhdud texniki məlumata giriş hüququ var.