Samsung üç dəfə qatlanan telefonla gəlir!

Çindəki sertifikasiya bazasında görünən Samsung-un üç dəfə qatlanan telefonu, SM-F9680 model nömrəsi ilə qeydə alınıb. Bu, şirkətin qatlanan telefon seriyasına yeni bir model əlavə edəcəyini göstərir. Üç hissədən ibarət dizaynı ilə seçilən yeni telefon, Galaxy Z Fold və Galaxy Z Flip seriyasında olduğu kimi iki dəfə deyil, üç dəfə qatlanır. Bu, daha mürəkkəb və çoxfunksiyalı bir quruluşa keçidin əlamətidir.

Bu dizaynın gündəlik istifadəyə və istifadəçi təcrübəsinə necə təsir edəcəyi hələ ki, müəmmalı olsa da, texniki detallar bəzi məhdudiyyətlərin olduğunu göstərir. Sertifikasiya sənədlərində cihaz 5G dəstəkli rəqəmsal mobil telefon kimi göstərilir. Lakin ən diqqətçəkən detal, cihazın EP-TA800 model 25 Vt şarj adapteri ilə birlikdə gəlməsidir. Bu, yeni modelin yalnız 25 Vt-a qədər sürətli simli şarj dəstəyini təklif edəcəyini göstərir.

Samsung-un əvvəlki modellərində də oxşar şarj xüsusiyyətləri müşahidə olunub. Lakin üç ekranlı və daha ağır aparat yükü olan bir cihaz üçün bu səviyyədə qalma bəzi istifadəçiləri məyus edə bilər. Görünür, Samsung Galaxy S25 Edge modelində olduğu kimi aşağı sürətli şarj strategiyasını yeni nəsil cihazlarında da davam etdirəcək.