Microsoft-un Ofisinə Basqın: İsrailə Dəstək İddiaları

İsrail ilə olan biznes əlaqələrinə görə texnologiya nəhəngi Microsoft hədəfə çevrilib. Hazırkı və keçmiş əməkdaşlardan ibarət bir qrup etirazçı şirkətin Redmonddakı qərargahına toplaşaraq, Microsoft prezidenti Bred Smitin otağına daxil olub və şirkəti "soyqırım"a dəstək verməkdə ittiham ediblər.

Etirazçılar "Bred Smit, gizlənə bilməzsən, sən soyqırıma dəstək verirsən" kimi şüarlar səsləndirərək Smitin "insanlıq əleyhinə cinayət" törətdiyini iddia ediblər. The Verge-in paylaşdığı məlumata görə, etirazçılar arasında aktivist fəaliyyətlərinə görə işdən çıxarıldığı iddia edilən keçmiş əməkdaşlar da var idi. Hadisənin gərginləşməsi ilə Microsoft müvəqqəti olaraq binanı bağlamaq qərarı verib.

Hadisədən saatlar sonra Bred Smit baş verən hadisənin olduğu ofisdə mətbuat konfransı keçirərək, qanunlara uyğun olduğu müddətcə söz azadlığına dəstək olduqlarını bildirib. Smit Microsoft-un insan hüquqlarına sadiqliyini vurğulayaraq, ittihamlar barədə daxili araşdırmanın başlandığını açıqlayıb.

Bu aksiya Microsoft-a qarşı aylardır davam edən reaksiyaların sonuncusudur. Şirkətin İsrail ilə imzaladığı bulud hesablama müqavilələri, bu texnologiyaların fələstinliləri casusluq etmək üçün istifadə edildiyi və İsrailin Microsoft xidmətləri vasitəsilə milyonlarla telefon zənginin məlumatını topladığına dair iddialar aktivist qruplarının gündəmində uzun müddətdir.