Honor GT 2-nin Güclü Xüsusiyyətləri Sızdırıldı!

Uzun müddətdir inkişaf etdirilən Honor GT 2 seriyası haqqında yeni məlumatlar ortaya çıxıb. Bu seriyanın GT 2 və GT 2 Pro olmaqla iki modeli olacağı və bu ilin noyabr və ya dekabr aylarında satışa çıxacağı gözlənilir. Son sızdırılmış məlumatlar cihazın batareyası, prosessoru və şarjı ilə bağlı ətraflı məlumatlar verir.

Honor GT 2-nin Əsas Xüsusiyyətləri: Yayımlanan xəbərlərə görə, Honor GT 2 nəhəng 8800 mAh batareyaya sahib olacaq. Müqayisə üçün, birinci nəsil Honor GT 7200 mAh batareya və 100W sürətli şarj dəstəyinə malik idi. Bu ilin əvvəlində, Honor Çin bazarında 8000 mAh batareyaya sahib Honor Power modelini, ardınca isə 8300 mAh batareyaya sahib Honor X70 modelini təqdim etdi. İndi isə daha da irəli gedirlər.

Honor, GT 2-nin 24 GB RAM və 1 TB-a qədər yaddaşa sahib olacağını bildirir. Cihazın ötən il təqdim olunan Snapdragon 8 Elite və ya bu il satışa çıxacağı planlaşdırılan Snapdragon 8 Gen 5 prosessorlarından biri ilə təchiz olunacağı gözlənilir. Ekranın 6.7 düymlük düz OLED LTPS paneli olduğu və 1.5K çözünürlük dəstəklədiyi deyilir. GT 2-də, həmçinin ekranda yerləşdirilmiş ultrasəs barmaq izi sensoru və metal orta çərçivə olacaq.

GT 2 Pro üçün isə ən yeni Snapdragon 8 Elite 2 çipsetinin istifadə olunacağı ehtimal edilir, lakin digər xüsusiyyətləri hələ məlum deyil. Bəs siz bu barədə nə düşünürsünüz?