Arm Öz Çip İstehsalına Başlayır

Dünyanın aparıcı yarımkeçirici şirkətlərindən biri olan Arm, öz çiplərinin istehsalı istiqamətində əhəmiyyətli bir addım atıb. Şirkət Amazonun süni intellekt çipləri üzrə direktoru Rami Sinno'yu öz sıralarına qatdı. Sinno, Amazon üçün Trainium və Inferentia kimi süni intellekt tətbiqləri üçün nəzərdə tutulmuş çiplərin hazırlanmasında mühüm rol oynayıb.

Bu günə qədər Arm əsasən prosessorlar üçün arxitektura və komanda sistemləri dizayn edir, öz çiplərini istehsal etmir və bu dizaynları Apple və Nvidia kimi müştərilərə lisenziyalandırmışdı. Lakin, şirkətin baş direktoru Rene Haas əvvəllər mövcud biznes modelindən kənara çıxaraq öz prosessor və çiplərinin istehsalına başlamaq niyyətində olduqlarını açıqlamışdı. Şirkət bu məqsədə çatmaq üçün gəlirlərinin bir hissəsini də bu sahəyə yönəldəcəyini bildirib.

Armın yeni strategiyası bəzi riskləri də özündə ehtiva edir. Öz çiplərini istehsal etməklə, şirkət Nvidia və Apple kimi mövcud müştəriləri ilə birbaşa rəqabətə girəcək. Ancaq Armın bu sahədəki hərəkətləri yalnız Sinno ilə məhdudlaşmır. Şirkət əvvəllər HP-dən sistem dizayneri Nicolas Dube və Intel və Qualcomm-dan çip mühəndisi Steve Halter'i də heyətinə qatmışdır. Bu transferlər Armın öz çip istehsalı məqsədinə ciddi yanaşmasını göstərir.

Arm-ın bu köklü dəyişikliyi Yaponiyanın texnologiya nəhəngi SoftBank-ın son aylarda Intel-ə 2 milyard dollar investisiya yatırmasından sonra baş verir. Bu investisiya sektor balansı dəyişə və rəqabəti daha da artıra biləcək bir hərəkət kimi şərh edilir. SoftBank-ın addımı ilə birlikdə nəzərə alındıqda, Armın öz çiplərini istehsal etmək qərarı və bu istiqamətdə etdiyi yüksək səviyyəli transferlər yarımkeçirici bazarında böyük bir transformasiyanın əvvəlini siqnalizə edir.