Apple-dan ağıllı eynək: 2027-ci ildə satışa çıxacaq

Texnologiya dünyasının nəhəngi Apple, 2027-ci ildə geyimi texnologiyaları sahəsinə yeni bir addım atmağa hazırlaşır. Şirkətin ilk ağıllı eynəyi, Meta şirkətinin Ray-Ban markası altında təqdim etdiyi modellərə bənzəyəcək. Apple-ın təchizat zənciri analitiklərindən biri olan Ming-Chi Kuo-nun verdiyi məlumata görə, cihazın kütləvi istehsalına 2027-ci ilin ikinci rübü başlayacaq.

Apple-ın eynəyi istifadəçilərə foto və video çəkməyə, musiqi dinləməyə və həm səs, həm də toxunma əmrləri ilə cihazı idarə etməyə imkan verəcək. Genişləndirilmiş reallıq (AR) ekranı olmayan model, bu baxımdan Meta-nın mövcud Ray-Ban ağıllı eynəklərinə bənzər istifadə təklif edəcək. Meta-nın bu il ekranlı yeni bir eynək modeli elan etməsi gözlənildiyi üçün, Apple-ın rəqibindən daha gec bazara girəcəyi görünür.

Bildirilir ki, Apple daha geniş istifadəçi bazasına müraciət edəcək şəkildə cihazı dizayn etmək üçün müxtəlif çərçivə və material alternativləri üzərində işləyir. Lakin, şirkətin Meta kimi eynək brendi ilə - məsələn, Ray-Ban və ya Oakley ilə tərəfdaşlıq edib-etməyəcəyi hələ də aydın deyil. Meta Wayfarer modelinə əsaslanan üç fərqli çərçivə seçimi ilə bazarda əhəmiyyətli çeşid təklif edir.

Satış proqnozlarına görə, Apple 2027-ci ildə bu eynəkdən 3 ilə 5 milyon arasında istehsal etməyi planlaşdırır. Bu rəqəmlər şirkətin bu yeni kateqoriyada əhəmiyyətli pay əldə etməyi hədəflədiyini göstərir. Bununla belə, cari vəziyyət göstərir ki, Apple bu bazarda rəqiblərindən bir neçə il geri qalır. Apple-ın Meta kimi şirkətlərin hər il təqdim etdiyi mövcud modellərdən necə fərqlənəcəyi hələ məlum deyil.