"Alien: Yer üzərində yeni mövsüm olacaqmı?"

Bu yaxınlarda ilk mövsümü başa çatan "Alien: Yer üzərində" serialının gələcəyi hələ də qaranlıqdır. Səkkiz seriyalıq ilk mövsüm açıq sonluqla başa çatdı və ikinci mövsüm haqqında şayiələrə səbəb oldu. Serialın yaradıcısı Noah Hawley tamaşaçıların marağını artıran bəyanatlar verdi. "Alien: Yer üzərində"nin ikinci mövsümü ola bilər. Noah Hawley bildirdi ki, finalı qəsdən açıq sonluqla bitirib. Serialın davam edib-etməməsi tamaşaçıların marağından asılıdır.

Hawley layihəni "dünyanın hər yerindən kifayət qədər insanın "Alien"i izləmək istəməsini yoxlamaq üçün bir sınaq" kimi təsvir etdi. O, serialın kifayət qədər geniş tamaşaçı kütləsinə çatacağı təqdirdə, ikinci, hətta üçüncü mövsümün istehsal oluna biləcəyini söylədi. Hawley-in şərhləri göstərir ki, potensial ikinci mövsüm daha böyük büdcəyə və daha əhatəli hekayəyə sahib olacaq. Ancaq bu qərarı verəcək olan Disney hələ rəsmi bəyanat verməyib. Hawley bildirdi ki, bu, gələn bir-iki ayda aydınlaşacaq.

Adından da göründüyü kimi, serial hekayəni Yer kürəsinə gətirir. Hekayə 2120-ci ildə, ilk "Alien" filminin iki il əvvəl baş verir. Sirli bir gəminin Yerə düşməsi ilə başlayır. Gənc bir qadın və bir qrup əsgər gəmidə sağ qalanları tapmaq üçün yola düşür və planetin indiyədək gördüyü ən böyük təhlükə ilə üzləşirlər. Onlar sağ qalmaq üçün mübarizə apararkən, arxa planda iri korporasiyalar bu "fırsat" üzərində hakimiyyət uğrunda mübarizə aparırlar.