Elazığda keçirilən 28-ci Beynəlxalq Xəzər Şeir Axşamları - Bilal Erdoğan və Əziz Sancara mühüm mükafat verildi

AK Partiya sədrinin müavini və Türk Dövlətləri ilə Əlaqələr üzrə səlahiyyətli şəxs Kürşad Zorlu Türkiyənin Elazığ şəhərində təşkil edilən 28-ci Beynəlxalq Xəzər Şeir Axşamları proqramında iştirak edib. Tədbir Türk Əməkdaşlıq və Koordinasiya Agentliyi (TİKA), Xaricdə Yaşayan Türklər və Qohum İcmalar İdarəsi (YTB) və Mədəniyyət və Turizm Nazirliyinin himayəsi altında, Elazığ Valiliyi, Bələdiyyəsi və müxtəlif qeyri-hökumət təşkilatlarının birgə əməkdaşlığı ilə həyata keçirilib. Proqramda Prezident Rəcəb Tayyib Ərdoğanın oğlu, İlim Yayma Vəqfinin və TÜRGEV-in Qəyyumlar Şurasının sədri Bilal Ərdoğan, Mədəniyyət və Turizm Nazirinin müavini Batuhan Mumcu, Vali Numan Hatipoğlu, Bələdiyyə sədri Şahin Şərifoğulları, həmçinin Elazığın fərqli partiyalardan olan millət vəkilləri, çox sayda qonaq, akademik və sənətsevərlər iştirak ediblər.

Tədbirin ən diqqətçəkən məqamı isə mükafatlandırma hissəsi oldu. Nobel mükafatlı alim Prof. Dr. Əziz Sancar və Bilal Ərdoğan "Türk Dünyasına Xidmət Mükafatı"na layiq görüldülər. Tədbirdə çıxış edən Prof. Dr. Kürşad Zorlu Türkiyə Prezidenti Rəcəb Tayyib Ərdoğanın rəhbərliyi altında Türk dünyasının hər sahədə işbirliyini gücləndirdiyini bildirib. Zorlu qeyd edib ki, "Türkiyə Əsri" hədəfimizin ən vacib addımlarından və tərkib hissələrindən biri şübhəsiz ki, Türk Dünyası Əsri hədəfidir. O, bu əsri bütün Türk dünyasının hər sahədə əməkdaşlığının təmin edildiyi bir dönəmə çevirmək məqsədinə qətiyyətlə və addım-addım irəlilədiklərini vurğulayıb. Onun sözlərinə görə, Türkiyə bu coğrafi sərhədlərin kənarında, keçmişdən aldığı böyük güclə gələcəyə baxır.

Kürşad Zorlu Türk dünyasını bir-birindən ayrılması mümkün olmayan mənəviyyat xəritəsi adlandırıb. O əlavə edib ki, ürəklər arasında körpülər salmağın yolu da məhz Xəzər Şeir Axşamları kimi mədəni tədbirlər vasitəsilə, vətəndaşlarla birgə qucaqlaşmanı təmin etməkdən keçir. Tədbirdə danışan Bilal Ərdoğan isə Türkiyənin üzərinə düşən məsuliyyətin yalnız Türk dünyası ilə məhdudlaşmadığını, bütün dünyanın məzlum xalqlarının məsuliyyəti olduğunu dilə gətirib. O bildirib ki, belə dəyərli bir mədəniyyətin varisləri olan Türklər, gələcəyə yalnız öz kimlikləri, öz mədəniyyətləri və öz inancları ilə möhkəm addımlarla irəliləsələr, dünya onlara dəyər verəcək.

Bilal Ərdoğan Türkiyə Prezidentinin dünyada hörmət qazanmasının əsasında bu duruşun dayandığını vurğulayıb. O qeyd edib ki, Ərdoğan inamla və özgüvənlə öz mövqeyini və inandığı fikirləri dilə gətirdiyi üçün bu gün dünyada sayılıb-seçilən liderlərdən biridir. Gənclərə müraciət edən Ərdoğan, gələcəyin dünyasında söz sahibi olmaq istəyənlərin əcdadların dediyi kimi, başqalarını təqlid edərək və onlara yaranaraq dəyər qazana bilməyəcəklərini xüsusi ilə bildirib. O deyib ki, qarşı tərəf ancaq siz öz dəyərlərinizi ortaya qoyduğunuz zaman sizi özünə bərabər bir tərəfdaş kimi görəcək. Əks halda, özünə yaranmağa çalışan bir varlığı hörmətsiz sayacaq. Buna görə də "Altaylardan Xəzərə uzanan bu zəncirdə gənclərimizə bu özgüvəni aşılamaq istəyirik." O, Türkiyə qədər dik dayana bilən başqa bir dövlətin olmadığını nəzərə alaraq, Türk dünyasının birliyinə hər zamankından daha çox ehtiyac olduğunu deyib. Proqram şeir dinləmələri, musiqi nümayişləri və mükafatların təqdim olunması ilə yekunlaşıb.