​Türkiyə və Britaniya qırıcı təyyarələrinin alınması ilə bağlı saziş imzaladı

Türkiyə və Böyük Britaniya arasında mühüm müdafiə sazişi imzalanıb. Bu sənəd **“Eurofighter Typhonn” qırıcı təyyarələrinin** Türkiyə tərəfindən alınması ilə bağlıdır.

Bu xəbəri Prezident Rəcəb Tayyib Ərdoğan Britaniyanın Baş naziri Keir Starmerlə keçirdiyi birgə mətbuat konfransında açıqladı. Ərdoğan bildirib ki, imzalanan saziş qırıcı təyyarələrinin alınma qaydalarını əhatə edir. O vurğulayıb ki, bu razılaşma Türkiyə ilə Birləşmiş Krallıq arasında müdafiə sənayesi sahəsində birgə layihələrin həyata keçirilməsinə imkan yaradacaq. Bu addım iki ölkə arasındakı hərbi-texniki əlaqələri möhkəmləndirmək məqsədi daşıyır və müdafiə qabiliyyətini gücləndirir.

Baş nazir Starmer də məsələ ilə bağlı danışıb. O qeyd edib ki, Böyük Britaniya və Türkiyə **Avropanın kollektiv təhlükəsizliyi** naminə birlikdə çalışır. Starmer həmçinin diqqətə çatdırıb ki, hər iki ölkə Könüllülər Koalisiyası çərçivəsində Ukraynanı dəstəkləyir. Baş nazir vurğulayıb ki, “Eurofighter Typhoon” qırıcı təyyarələri Türkiyə Hərbi Hava Qüvvələrinin gücünü daha da artıracaq.