Nuri Şahin rus klubunun təklifinə cavab verdi

Türkiyənin tanınmış futbol mütəxəssisi Nuri Şahin, hazırda rəhbərlik etdiyi "Başakşehir" komandasının baş məşqçisi postunda qalmağa qərar verdi. O, Rusiyanın iddialı klublarından biri olan "Dinamo Moskva"nın göndərdiyi təklifi qəbul etməyib. Məlumata görə, Nuri Şahin və Rusiya klubu arasında danışıqlar aparılıb, lakin tərəflər ortaq məxrəcə gələ bilməyiblər və razılıq əldə olunmayıb.

Rusiya mənbələri bu hadisəni təsdiqləyərək, Şahinin mövcud iş yerində qalmağı üstün tutduğunu bildirir. Bu imtina "Dinamo Moskva" üçün çətin vəziyyət yaradır, çünki komandanın əvvəlki baş məşqçisi Valeri Karpin artıq postundan istefa verib. Şahinin qərarı "Başakşehir"dəki layihəsinin davamlılığına işarə edir.