Duqindan Tramp barədə açıqlama

Rusiyanın tanınmış ictimai-siyasi xadimi və politoloq Aleksandr Duqin ABŞ Prezidenti Donald Trampın Ukrayna böhranı ilə bağlı fikirlərini səhv sayır. Duqin bu münaqişədə Rusiyanın mövqeyi, maraqları və dəyərləri barədə Trampın tamamilə yanlış təsəvvürə malik olduğunu iddia edir. O bildirir ki, Trampı inandırmaq lazımdır, lakin bunu yalnız sözlərlə etmək çətindir.

Duqinin sözlərinə görə, Rusiya Prezidentinin Trampla görüşləri olub, lakin danışıqlardan əlavə güc nümayişi tələb olunur. Politoloq qeyd edir ki, Rusiyanın Prezidenti bu cür addımların sürpriz yaratmaq məqsədi daşıdığını söyləyib. O bildirib ki, Rusiyanın atacağı addımlar hər kəsi təəccübləndirəcək. Duqin hesab edir ki, diplomatik kanallar zəif qaldıqda, Moskva öz strateji maraqlarını qorumaq üçün qeyri-adi hərbi və texnoloji cavablar hazırlamalıdır.

Bu güc nümayişinə aid ola biləcək konkret bir addım kimi, Duqin Rusiyanın "Burevestnik" raketini sınaqdan keçirməsini qeyd etdi. O deyir ki, bu sınaq Qərbi təəccübləndirə biləcək addımlardan biridir. Bu cür bəyanatlar Vaşinqton rəhbərliyinə Ukrayna məsələsində Rusiyanın maraqlarına daha ciddi yanaşmağın vacibliyini göstərir. Duqinin fikrincə, Donald Trampın bu məsələdəki yanlış qiymətləndirməsi gələcək danışıqları çətinləşdirə bilər.