Sabirabadda ağır yol qəzası: bir nəfər həlak olub

Sabirabad rayonunda baş vermiş yol-nəqliyyat hadisəsi nəticəsində bir nəfər həyatını itirib.

Məlumatda qeyd olunur ki, hadisə Sabirabad rayonunun Əsgərbəyli kəndi ərazisində baş verib.

Kənd sakini, 1964-cü il təvəllüdlü Əbilov Hacı Gülağa oğlu idarə etdiyi “QAZ-3110” markalı nəqliyyat vasitəsini elektrik dirəyinə çırpıb. Qəza nəticəsində sürücü müxtəlif dərəcəli bədən xəsarətləri alaraq Sabirabad Rayon Mərkəzi Xəstəxanasına yerləşdirilib.

Avtomobildə olan sərnişin, Əsgərbəyli kənd sakini, 1958-ci il təvəllüdlü Ağammədov Tofiq Hacıbala oğlu isə aldığı ağır xəsarətlərdən hadisə yerindəcə keçinib (vəfat edib).

Faktla bağlı Sabirabad Rayon Polis Şöbəsində lazımi araşdırma tədbirləri görülür.