Çin altıncı nəsil J-36 qırıcısını modernləşdirib

Çinin altıncı nəsil qırıcısı hesab edilən "Chengdu" J-36 reaktiv hərbi təyyarəsi modernləşdirilib. Qırıcı hələ rəsmi ictimai təqdimat görməyib.

Təyyarə son uçuş sınaqları zamanı müşahidəçilərin obyektivinə yenidən tuş gəlib. Bu dəfə "J-36" əvvəlki prototiplərdən bir sıra fərqlərlə seçilirdi. Bu dəyişikliklər mühəndislərin təyyarədə işlədiyini göstərir: onlar şassinin arxa dayaqlarındakı təkərlərin yerləşməsini və **hava girişlərinin formasını** dəyişiblər.

Bu təyyarə "Chengdu Aircraft Industry Group" şirkəti tərəfindən hazırlanır. J-36 “uçan qanad” aerodinamik sxeminə əsasən qurulub. Prototipin gövdəsində əvvəllər “3601” nömrəsi görünürdü. Buna görə də internet istifadəçiləri **yeni qırıcının** J-36 indeksini alacağını güman edirlər. Çin bu **modernləşdirmə işləri** ilə hava qüvvələri üçün gələcək planları haqqında ciddi siqnal verir.