Ağ Ev Venesuela ilə müharibə etmək niyyətində olmadığını bildirib

ABŞ prezidenti Donald Tramp rəsmi Vaşinqtonun Venesuela ilə müharibə etmək niyyətinin olmadığını bəyan edib.

Trend-in məlumatına görə, Tramp bu açıqlamanı "CBS News" telekanalına verdiyi müsahibədə səsləndirib. O, ABŞ-nin hərbi müdaxiləyə ehtiyac duymayacağına şübhə etdiyini bildirib. Tramp qeyd edib: "Mən buna şübhə edirəm. Düşünmürəm. Amma bizə qarşı çox pis davranıblar." Bu, ABŞ-nin hərbi əməliyyatlara başlamayacağı barədə verilən ən aydın bəyanatlardan biri kimi qiymətləndirilir, lakin Venesuela rejimi ilə münasibətlərin gərgin olaraq qaldığını göstərir.

Bununla yanaşı, Amerika prezidenti Karakasdakı rəhbərliyin tezliklə dəyişəcəyini ehtimal edir. Tramp, Nikolas Maduronun Venesuela prezidenti kimi günlərinin sayılı olduğunu düşündüyünü ifadə edib. Donald Tramp Maduronun vəzifəsindən tezliklə gedəcəyi ilə bağlı suala konkret cavab verib: "Bəli, mən belə düşünürəm."

Bu açıqlama, Ağ Evin hərbi yoldan uzaqlaşaraq, yalnız siyasi və iqtisadi təzyiq yolu ilə Nikolas Maduro hökumətini devirməyə çalışdığını təsdiqləyir. ABŞ hərbi əməliyyatları inkar etsə də, hökumət dəyişikliyi gözləntilərini yüksək səsləndirir.