ABŞ hakimiyyəti qanunsuz immiqrasiya ilə mübariz üçün kadr islahatları aparacaq

ABŞ hakimiyyəti ölkənin İmmiqrasiya və Gömrük Polisinin (ICE) regional bölmələrinin bir neçə rəhbərini dəyişdirməyi planlayır. Bu addım Ağ Evin tələb etdiyi yanaşmanı təmin etməyə yönəlib. Bu yanaşma qanunsuz immiqrantların saxlanılması və deportasiyasına aiddir. Məsələ ilə tanış olan mənbələr bildirir ki, bu, ICE-nin yüksək vəzifəli rəsmilərinin üzləşəcəyi üçüncü böyük kadr dəyişikliyidir. ABŞ rəhbərliyi administrasiyanın tutulma və deportasiya ilə bağlı məqsədlərinə çatmaq üçün ICE-yə təzyiqi əhəmiyyətli dərəcədə artırıb.

Portalın məlumatına görə, Ağ Ev miqrasiya siyasətinin qətiyyətlə həyata keçirilməsini təmin etmək üçün ICE-nin regional bölmələrinin rəhbərlərinin yarısına qədərini dəyişdirir. Bu bölmələrə artıq Daxili Təhlükəsizlik Nazirliyinin digər agentlik və idarələrindən olan şəxslər rəhbərlik edəcək. Bu şəxslər arasında Sərhəd Patrul Xidmətinin əməkdaşları da var. Patrul əvvəllər Los-Anceles və Çikaqodakı əməliyyatlarda ICE-yə kömək edib. Bu genişmiqyaslı kadr islahatları icraedici orqanların miqrasiya hədəflərinə daha yaxından nəzarət etməsini göstərir.

ABŞ mediasının məlumatına görə, ICE-nin Portlend, Denver, San-Dieqo, Feniks, Los-Anceles və Filadelfiyadakı yüksək vəzifəli zabitləri bir gün əvvəl başqa vəzifələrə keçiriliblər. Daha çox yeni kadr dəyişikliklərinin çərşənbə axşamı reallaşması gözlənilir. Qeyd edək ki, ABŞ-də 25 regional idarə fəaliyyət göstərir. Bu idarələrdən 10-da yeni təyinatlar gözlənilir.