Formula-1 Azərbaycan Qran Prisi bu gün start götürür
Bu gün Bakıda "Formula-1" üzrə Azərbaycan Qran Prisinə start verilir. Yarışın ilk günündə iki sərbəst yürüş keçiriləcək. Bundan əlavə, "Formula-2"də sınaq yürüşü ilə yanaşı, sıralama turları da gerçəkləşəcək. Bakı treki 20 döngə və 51 dövrədən ibarətdir.
Yol polisi sürücülərə müraciət edib
Bakı Şəhər Dövlət Yol Polisi İdarəsi "2026 Formula-1 Azərbaycan Qran Prisi" ilə əlaqədar sürücülərə müraciət edib. Müraciətdə bildirilir ki, sabah başlayacaq yarışla əlaqədar bəzi küçə və prospektlərdə hərəkət məhdudlaşdırılıb. Nəqliyyat sıxlığının qarşısını almaq üçün sürücülərdən alternativ yollardan istifadə etmələri xahiş olunur.
Bakı Bulvarında əyləncə zonası fəaliyyətə başlayır
Bakıda keçiriləcək Azərbaycan Qran-prisi təkcə trekdəki sürət və mübarizə ilə yadda qalmayacaq. Bakı Şəhər Halqası Əməliyyat Şirkətindən verilən məlumata görə, bu il də Formula-1 yarış həyəcanı trekdən kənara daşacaq. Bakı Bulvarında azarkeşlər üçün konsertlər, pilotlarla görüşlər və müxtəlif əyləncə tədbirləri təşkil olunacaq.
Azərbaycan millisi Tacikistanla üz-üzə gələcək
Futbol üzrə Azərbaycan milli komandası bu gün yoxlama oyununda Tacikistan yığması ilə qarşılaşacaq. Ayhan Abbasovun rəhbərlik etdiyi kollektiv bu görüşdə öz gücünü sınayacaq. Qarşılaşma 8-ci km qəsəbə stadionunda keçiriləcək, oyunun başlama saatı 20:00-dır.
Avropa Voleybol Çempionatında yarımfinalçılar müəyyənləşib
CEV 2026 Kişilər Avropa Voleybol Çempionatında Sloveniya və Finlandiya yarımfinala çıxıb. İtaliyanın Turin şəhərində keçirilən oyunlardan sonra yarımfinalçılar müəyyənləşib. Dünya reytinqində 6-cı yerdə olan Sloveniya Belçikanı 3-1 hesabı ilə məğlub edib. Finlandiya isə İtaliyanı 3-2 hesabı ilə üstələyərək növbəti mərhələyə yüksəlib.