Arsenal 22 il sonra Çempionlar Liqası finalında
İngiltərənin "Arsenal" klubu 22 illik fasilədən sonra UEFA Çempionlar Liqasının finalına yüksəlib. Yarımfinal mərhələsinin cavab oyununda "Arsenal" "Emirates" stadionunda İspaniyanın "Atletiko" komandasını 1:0 hesabı ilə məğlub edib. Matçın yeganə qolunu birinci hissədə Bukayo Saka vurub. Londra klubu iki oyunun cəmində minimum fərqlə qalib gələrək Budapeştdə keçiriləcək finala vəsiqə qazanıb.
"Sabah" ardıcıl dördüncü dəfə Azərbaycan basketbol çempionu
"Sabah" basketbol klubu ardıcıl dördüncü dəfə Azərbaycan Basketbol Liqasının çempionu olub. Bakı İdman Sarayında keçirilən final seriyasının üçüncü oyununda "Sabah" "Abşeron Lions"u 108:95 hesabı ilə məğlub edərək seriyanı 3-0 ilə başa vurub. Mükafatlandırma mərasimində gənclər və idman naziri Fərid Qayıbov və Azərbaycan Basketbol Federasiyasının rəhbərliyi çempionluq kubokunu komandaya təqdim edib.
Azərbaycan Kubokunun finalının biletləri satışa çıxarılıb
Azərbaycan Kubokunun final matçının biletləri satışa çıxarılıb. "Sabah" və "Zirə" arasında keçiriləcək final oyununun biletlərini bu gündən etibarən "iticket.az" saytından əldə etmək mümkündür. Məlumat Peşəkar Futbol Liqası tərəfindən yayılıb.
Azərbaycan minifutbol yığması "Millətlər Liqası"nın qalibi olub
Azərbaycanın minifutbol millisi Monteneqroda keçirilən "Millətlər Liqası" turnirinin qalibi olub. Yarışda Qazaxıstan və Monteneqro yığmaları da iştirak edib. Azərbaycan Minifutbol Federasiyasının məlumatına görə, milli komanda turnirdə uğurlu çıxış edərək birinci yeri tutub.
"Konyaspor" son dəqiqə qolu ilə Türkiyə Kubokunun finalına çıxıb
Futbol üzrə Türkiyə Kubokunun yarımfinalında "Konyaspor" səfərdə "Beşiktaş"ı 1:0 hesabı ilə məğlub edib. Matçın yeganə qolu 90+8-ci dəqiqədə vurulub - Bardhi penaltidən mərkəzə ötürülən topu dəqiq zərbə ilə qapıya göndərərək komandasını finala çıxarıb.
Babək Quliyev UEFA-nın seminarına dəvət alıb
Beynəlxalq dərəcəli hakim-inspektor Babək Quliyev UEFA-nın Almaniyanın paytaxtı Berlində keçiriləcək hakim-inspektorlar üçün seminarına dəvət alıb. Mayın 11-dən 13-dək təşkil olunacaq tədbirə Avropanın müxtəlif ölkələrindən 70 UEFA hakim-inspektoru qatılacaq.
Everton azarkeşi irqçiliyə görə həbs edilib
Merseyside Polisi Everton-un Manchester City-yə qarşı Premyer Liqası matçında futbolçu Antoine Semenyo-ya qarşı irqçi söyüşlərə görə bir azarkeşi həbs edib. Hadisə bazar günü Hill Dickinson Stadium-da baş verib. Polis tərəfindən təqib olunan şəxs stadion daxilində saxlanılıb.