Dəhşətli hadisə: 9 futbolçu həyatını itirdi

Sierra Leonedə futbolçuların ölümü ilə nəticələnən ağır qəza baş verib.

Bombali bölgəsində tanınmış “Makarie” klubunun futbolçularının olduğu avtobus yük maşını ilə toqquşub. Nəticədə məşqçi və 9 futbolçu həlak olub. 20 idmançı ağır xəsarətlər alıb. Məlumata görə, hadisə zamanı avtobusda ümumilikdə 30 nəfər olub. Qəzanın səbəbləri araşdırılır. Hadisə ilə bağlı bölgədə bütün futbol yarışları dayandırılıb. FIFA qəza ilə bağlı ölənlərin yaxınlarına başsağlığı verib.