Şarja-Bakı reysi ilə gələn sərnişindən 4 milyon manatlıq brilyant aşkar edilib
Dövlət Gömrük Komitəsinin Hava Nəqliyyatında Baş Gömrük İdarəsinin əməkdaşları gömrük nəzarətindən gizlədilən külli miqdarda brilyant qaşların ölkə ərazisinə keçirilməsinin qarşısını alıb. Şarja-Bakı aviareysi ilə ölkəyə gələn Qazaxıstan vətəndaşı saxlanılıb. Aşkar edilən brilyantların dəyəri 4 milyon manatdan çox qiymətləndirilir.
"Roşka" ləqəbli tiktokerə cəza istənilib
Polis tərəfindən saxlanılan "Roşka" ləqəbli tiktoker Rövşən Süleymanovun cinayət işi üzrə məhkəmə istintaqı yekunlaşıb. Bu gün Bakı Ağır Cinayətlər Məhkəməsində hakim Roman Ələkbərlinin sədrliyi ilə keçirilən prosesdə dövlət ittihamçısı çıxış edib. Prokuror tərəfindən tiktokerə cəza tələb olunub.
Baş prokuror: Cəzasızlıq yeni cinayətlərin törədilməsinə gətirib çıxarır
Baş prokuror Kamran Əliyev cəzasızlığın yeni cinayətlərin törədilməsinə gətirib çıxardığını bildirib. O, bu fikri Trend Beynəlxalq İnformasiya Agentliyinə və Real Təhlil İnformasiya Mərkəzinə verdiyi birgə müsahibəsində səsləndirib. Baş prokuror həmçinin cinayət yolu ilə əldə olunan vəsaitlərin leqallaşdırılmasına qarşı mübarizənin gücləndirilməsinin vacibliyini vurğulayıb.
Bakıda qadın qətlə yetirilib, əri saxlanılıb
Bakının Binəqədi rayonunda 42 yaşlı Rafət Ağalarov həyat yoldaşı 40 yaşlı Esmira Ağalarovanı boğaraq qətlə yetirməkdə təqsirli bilinir. Hadisə bu gün günorta saatlarında baş verib. Kişi polis tərəfindən saxlanılıb.
Azərbaycan və Rusiya hüquq sahəsində əməkdaşlığı müzakirə edib
Azərbaycanın Baş prokuroru Kamran Əliyev və Rusiya Federasiyası Ali Məhkəməsinin sədri İqor Krasnov hüquq sahəsində əməkdaşlığın genişləndirilməsi imkanlarını müzakirə ediblər. Görüş çərçivəsində ikitərəfli əməkdaşlığın perspektivləri barədə fikir mübadiləsi aparılıb.