Laçın istiqamətində hərbi qulluqçunun itkin düşməsi ilə bağlı cinayət işi başlanıb
Baş Prokurorluq Azərbaycanın Laçın rayonu istiqamətində yerləşən hərbi hissələrdən birində müddətli həqiqi hərbi xidmət keçən Musayev Nəsimi Rasim oğlunun itkin düşməsi faktı ilə bağlı cinayət işi başladığını açıqlayıb. Məlumat sosial media səhifələrində hərbi qulluqçunun itkin düşməsi barədə paylaşımların yayılmasından sonra verilib.
İsrail qüvvələri Suriyanın cənubunda 10 kəndə basqın edib
İsrail ordusuna məxsus 12 avtomobil və 2 tankdan ibarət hərbi birlik Suriyanın cənubundakı Kuneytra və Dəra əyalətlərində 10 kəndə basqın həyata keçirib. Suriyanın dövlət televiziyası Əl-İxbariyyənin məlumatına görə, İsrail qüvvələri Kuneytra kənd ərazisindəki Cıbata əl-Haşab qəsəbəsinə daxil olub.
İsrail Ali Məhkəməsi Balad Partiyasının liderinə seçkilərdən çəkilməyi tövsiyə edib
İsrail Ali Məhkəməsi Balad Partiyasının lideri Sami Ebu Şəhadəyə oktyabrın 27-də keçiriləcək parlament seçkilərində namizədliyini geri götürməyi tövsiyə edib. Tövsiyə Mərkəzi Seçki Komitəsinin onun seçkilərdə iştirakını qadağan etməsi barədə qərarından sonra verilib.
Romada DEAŞ-la mübarizə koalisiyası toplanıb
İtaliya və ABŞ-ın həmsədrliyi ilə DEAŞ-la Mübarizə üzrə Beynəlxalq Koalisiyanın toplantısı Romada keçirilib. İtaliya Xarici İşlər Nazirliyinin məlumatına görə, toplantının məqsədi beynəlxalq ictimaiyyətin DEAŞ-ın terror təhdidinə qarşı mübarizəsini yenidən gücləndirmək olub. Görüş çərçivəsində yeni mali öhdəliklər elan edilib.
Yəmən ordusunun Husi qruplaşması ilə toqquşmalarında 30 nəfər ölüb
Yəmən ordusu ölkənin cənub-qərbindəki Təiz vilayətində baş verən toqquşmalarda İran dəstəkli Husi qruplaşmasından 30 nəfərin həyatını itirdiyini, 50 nəfərin yaralandığını bildirib. Döyüşlər Təiz vilayətinin cənubunda ordu qüvvələri ilə Husi qrupları arasında baş verib.
İraq hökuməti ABŞ-dan yeni nağd dollar göndərişinin daxil olduğunu açıqlayıb
İraq hökumətinin rəsmi nümayəndəsi Heydər əl-Abbudi ABŞ ilə əldə olunan razılaşmalar çərçivəsində ölkəyə yeni nağd dollar məbləğinin çatdırıldığını bəyan edib. Əl-Abbudinin sözlərinə görə, göndərilən yeni nağd dollar məbləği ölkədəki valyuta axınının stabilləşdirilməsinə yönəlib.