Latviyada Rusiya kəşfiyyatı adına casusluq edən cütlük həbs olunub
Latviyada Rusiyanın Baş Kəşfiyyat İdarəsi (GRU) adına ölkənin müdafiə sənayesi haqqında gizli məlumat toplamaqda şübhəli bilinən bir cütlük həbs edilib. Latviya Dövlət Təhlükəsizlik Xidmətinin açıqlamasına görə, Latviya vətəndaşı olan cütlük barəsində açıqlanmamalı olan məlumatların toplanması ittihamı ilə istintaq aparılır.
Kiyevin Cənub körpüsü Rusiya PUA-ları ilə vurulub
Ukraynanın paytaxtı Kiyevin meriyasının rəisi Vitali Kliçko Rusiyanın şəhərdəki Cənub körpüsünə pilotsuz uçuş aparatları ilə hücum etdiyini açıqlayıb. Kliçkonun məlumatına görə, körpüyə iki PUA dəyib, paytaxta axşamdan etibarən hücumlar davam edir.
İşğal altındakı Qərb Sahilində İsraillilərin hücumu: 1 fələstinli həlak olub
İşğal altındakı İordan çayının qərb sahilinin şimalındakı Selfit şəhərində Fələstin torpaqlarını qəsb edən İsraillilərin təşkil etdiyi silahlı hücum nəticəsində 1 fələstinli həyatını itirib, 1 nəfər isə yaralanıb. Hadisə barədə Fələstin Qızıl Aypara Cəmiyyəti məlumat yayıb.
Kürdəmirdə toy məclisində 92 nəfər zəhərlənib, restoran bağlanıb
Kürdəmir rayonundakı "Günəş" restoranında keçirilən toy məclisi zamanı 92 nəfər zəhərlənib. Azərbaycan Qida Təhlükəsizliyi Agentliyinin (AQTA) əməkdaşları araşdırma aparıb və restoranın fəaliyyəti məhdudlaşdırılıb. Məclisdə istifadə olunan qida məhsulları üzrə yoxlama davam edir.
Himalayda qar uçqunu qurbanlarının sayı 15-ə çatıb
Himalayda Ximlunq-Himal zirvəsi ətrafındakı baza düşərgəsinə düşən qar uçqunu nəticəsində ölənlərin sayı 15 nəfərə çatıb. "The Himalayan Times"ın məlumatına görə, dağıntılar altından daha 4 nəfərin meyiti çıxarılıb, hələ 1 nəfər itkin sayılır və xilasetmə əməliyyatları davam edir.
Azərbaycan çimərlik güləşində ilk dünya çempionu olub
Azərbaycan milli komandası çimərlik güləşi üzrə ilk dəfə dünya çempionu olub. Tarixi uğur Yunanıstanın Katerini şəhərində keçirilən Dünya Seriyasının final mərhələsində qazanılıb. Azərbaycan Güləş Federasiyasının prezidenti Mikayıl Cabbarov bu nailiyyəti sosial şəbəkə hesabında elan edib.