Qəzzada ölənlərin sayı 74 minə yaxınlaşıb
Fələstin Səhiyyə Nazirliyi İsrailin Qəzza zolağına hücumlarının başladığı 2023-cü il oktyabrın 7-dən indiyədək həyatını itirənlərin sayının 74 min 23 nəfərə yüksəldiyini açıqlayıb. Qəzza zolağında İsrail əsgərlərinin hücumları davam edərkən dağıntılar altında axtarış işləri də sürür.
NATO İHA-lara qarşı ucuz müdafiə sistemləri yaradacaq
NATO Baş katibi Mark Rutte Ankara Zirvəsində elan olunan "Drone Edge" təşəbbüsü vasitəsilə pilotsuz uçuş aparatlarına qarşı tədbirlər gördüklərini bildirib. Rutte qeyd edib ki, aşağı maliyyətli təhdidlərə qarşı yüksək texnologiyalı döyüş təyyarələrindən istifadə etmək əvəzinə, daha sərfəli İHA əleyhinə müdafiə sistemlərinin yaradılmasına üstünlük veriləcək.
BMT: 8,3 milyon məcburi köçkünün yardıma çıxışı təhlükə altındadır
BMT-nin Qaçqınlar üzrə Ali Komissarlığı maliyyə kəsirləri səbəbindən təxminən 8,3 milyon qaçqın və zorla didərgin salınmış şəxsin həyati əhəmiyyətli yardımlara çıxışını itirmək təhlükəsi ilə üzləşdiyini açıqlayıb. Qurum "Aşınan müdafiə: Yetersiz maliyyələşmənin humanitar təsirləri" adlı hesabatında vəziyyətin kritik olduğunu vurğulayıb.
Rusiyadan nağd pulun çıxarılmasına məhdudiyyət - Azərbaycan da siyahıda
Rusiya Prezidenti Vladimir Putin fiziki şəxslər, hüquqi şəxslər və fərdi sahibkarlar üçün Avrasiya İqtisadi İttifaqına üzv dövlətlərə, o cümlədən Azərbaycana, Tacikistana və Özbəkistana 1 milyon rubldan - təxminən 20 min manatdan artıq nağd pulun çıxarılmasını qadağan edən fərman imzalayıb.
Prezident İlham Əliyev İran Prezidentini təbrik edib
Azərbaycan Prezidenti İlham Əliyev sentyabrın 29-da İran Prezidenti Məsud Pezeşkiana telefon zəngi edərək onu ad günü münasibətilə təbrik edib. Prezidentlərin telefon danışığında ikitərəfli əlaqələrin inkişafı məsələləri müzakirə olunub.
Rosatom Ermənistanda yeni atom enerji bloklarının yaradılmasını müzakirə edib
Rusiyanın "Rosatom" Dövlət Atom Enerjisi Korporasiyasının baş direktoru Aleksey Lixaçov Ermənistanın Baş naziri Nikol Paşinyanla İrəvanda görüşüb. Görüşdə Ermənistanda yeni atom enerji bloklarının yaradılması perspektivləri müzakirə edilib. Cənubi Koreyada isə Prezident Li Ce Myon Silahsızlaşdırılmış Zonada keçən həftə baş verən mina partlayışı ilə bağlı sürətli və hərtərəfli araşdırma aparılmasını tapşırıb.