Netanyahu BMT-də təcrid olundu, İsrailin beynəlxalq mövqeyi sual altında
İsrail Baş naziri Binyamin Netanyahu BMT Baş Assambleyasında çıxış edərkən onlarla ölkənin nümayəndəsi zalı tərk edərək etirazını bildirib. Netanyahu çıxışı zamanı yenidən Türkiyə Prezidenti Rəcəb Tayyib Ərdoğana qarşı təhqiramiz ifadələr səsləndirrib. Bu hadisənin əks-sədası davam edir. İsrailin keçmiş müdafiə naziri Aviqdor Liberman isə yaranmış mənzərənin ölkəsinin dünyadakı mövqeyinin görünməmiş səviyyədə aşağı düşdüyünü göstərdiyini bildirib.
Azərbaycan süni intellekt və rəqəmsal sahədə potensialını gücləndirir
Rəqəmsal inkişaf və nəqliyyat nazirinin müavini Rəşad Həsənov II Azərbaycan Beynəlxalq İnvestisiya Forumunda çıxış edərək ölkənin süni intellektin inkişafı və tətbiqi üçün lazımi infrastruktur, enerji və rəqəmsal bağlantı imkanlarına sahib olduğunu vurğulayıb. Eyni forumda Tacikistanın sənaye və yeni texnologiyalar nazirinin müavini Əziz Nəzər Azərbaycan və Tacikistanın birlikdə Asiyadan Avropaya yaşıl rəqəmsal dəhliz qura biləcəyini bildirib. Forumda həmçinin Bakı Fond Birjasının sədri Ruslan Xəlilov Azərbaycan şirkətlərinin xarici fond birjalarında listinq üçün böyük potensialının olduğunu qeyd edib.
Kreml Ermənistanı Rusiya qazı ilə bağlı xəbərdar edib
"Nezavisimaya" nəşrinin məlumatına görə, Rusiya Təhlükəsizlik Şurası katibinin müavini Aleksey Şevtsov Ermənistan Təhlükəsizlik Şurasının katibi Allen Simonyanın İrəvanın qazı "mümkün olan hər yerdən" alacağı ilə bağlı açıqlamasını şərh edib. Kremlin bu xəbərdarlığı Ermənistanın Rusiyadan uzaqlaşma siyasəti fonunda diqqət çəkir.
Azərbaycan XİN Gürcüstan Patriarxlığının Kürmük məbədi ilə bağlı açıqlamasına etiraz edib
Azərbaycan Xarici İşlər Nazirliyi bəyanat yayaraq Gürcüstan Patriarxlığının Azərbaycan ərazisində yerləşən Kürmük məbədi ilə bağlı son açıqlamasının iki ölkə arasındakı dostluq və qonşuluq münasibətlərinin ruhuna zidd olduğunu bildirib. Nazirlik Azərbaycan ərazisində yerləşən coğrafi və tarixi obyektlərlə bağlı mövqeyini bir daha vurğulayıb.
Zelenskiy Rusiya ərazisindəki hədəfləri açıqlayıb
Ukrayna Prezidenti Volodimir Zelenskiy sosial media hesabında Rusiyanın müxtəlif bölgələrində yerləşən 2 neft emalı zavodu və 1 müdafiə sənayesi obyektinin hədəf alındığını açıqlayıb. Zelenskiy Ukrayna ordusunun və təhlükəsizlik qüvvələrinin əməliyyatları barədə ətraflı məlumat verib.
Dünya bir nömrəsi Sinner Çin Açıq turnirindən çəkilib
ATP reytinqinin lideri italiyalı tennisçi Jannik Sinner diz zədəsi səbəbindən Çin Açıq turnirindən çəkildiyini elan edib. İdmançı sosial media hesabında dizinin hələ də istədiyi səviyyədə olmadığını və ən qısa zamanda meydanlara qayıtmağı hədəflədiyini bildirib.