Xocalıdan 9 yaşında çıxan Ləfxanım illər sonra yurduna qayıdıb
Azərbaycanın Milli Qəhrəmanı, şəhid jurnalist Çingiz Mustafayevin Xocalı soyqırımı zamanı kamerasına aldığı Ləfxanım Mahmudova illər sonra Xocalıya qayıdıb. Bu barədə Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin ictimaiyyətlə əlaqələr şöbəsi məlumat verib.
Zelenski dekabrda ABŞ-da üçtərəfli görüşün mümkünlüyündən danışıb
Ukrayna Prezidenti Volodimir Zelenski bildirib ki, Mayamidə keçiriləcək G20 zirvə toplantısı Ukrayna, ABŞ və Rusiyanın iştirakı ilə üçtərəfli görüş üçün platformaya çevrilə bilər. Zelenski qeyd edib ki, bu, Amerika tərəfinin, Prezident Trampın G20 ilə bağlı təklifi əsasında reallaşa bilər. Bu arada, 51 ölkə BMT Təhlükəsizlik Şurasının Ukrayna iclası öncəsi Rusiyaya qeyd-şərtsiz atəşkəs çağırışı edib.
Pakistan Əfqanıstanda 10 hədəfə hava zərbəsi endirib
Pakistan hakimiyyəti Əfqanıstandan qalxan pilotsuz uçuş aparatlarının aşkar edilməsindən sonra qonşu ölkənin ərazisində 10 nöqtəyə hava zərbəsi endirdiyini açıqlayıb. Bu barədə Pakistanın İnformasiya Naziri Attaullah Tarar sosial media platformasında məlumat verib.
Azərbaycan 2030-cu ilə qədər buğda toxumu təminatını 100 faizə çatdırmağı hədəfləyir
Kənd təsərrüfatı naziri Məcnun Məmmədov Bakıda keçirilən "Toxumçuluqda yeni dövr: Yerli toxum, etibarlı təminat" konfransında bildirib ki, Azərbaycan 2030-cu ilə qədər buğda toxumu ilə özünütəminatı 100 faizə çatdırmağı planlaşdırır. Nazir son illərdə toxum keyfiyyətinə nəzarət sahəsində aparılan islahatları da qeyd edib.
Orta Dəhliz üzrə konteyner daşımaları artmağa davam edəcək
ABŞ-dakı "Kazakh Invest" şirkətinin nümayəndəliyinin rəhbəri Marat Birimjan Nyu-Yorkda keçirilən VII illik Xəzər Biznes Forumunda Orta Dəhliz üzrə konteyner daşımalarının həcminin artmaqda davam edəcəyini bildirib. Birimjan Qazaxıstanın Orta Dəhlizin inkişafındakı roluna da toxunub.
Məhkəmə Trampın üzərinə jurnalistlərlə bağlı öhdəlik qoyub
ABŞ-da federal hakim Timoti Kelli CNN, MS NOW və "Politico" jurnalistlərinin Ağ Evə giriş icazəsinin bərpa olunması barədə qərar çıxarıb. Qərara əsasən, Prezident Donald Trampın üzərinə iddiaçı jurnalistlərin akkreditasiyasının təmin edilməsi ilə bağlı öhdəlik qoyulub.