Lavrov və Rubio Nyu-Yorkda Ukrayna böhranını müzakirə ediblər
Rusiyanın xarici işlər naziri Sergey Lavrov ABŞ-ın dövlət katibi Marko Rubio ilə BMT Baş Assambleyasının 81-ci sessiyası çərçivəsində görüşüb. Tərəflər Ukrayna böhranı və ikitərəfli münasibətləri müzakirə ediblər. Görüş 51 ölkənin Rusiyaya qeyd-şərtsiz atəşkəs çağırışı fonunda baş tutub.
Suriya prezidenti İsraillə sülhün şərtini açıqlayıb
Suriya Prezidenti Əhməd Əl Şaraa BMT Baş Assambleyasındakı çıxışında İsraillə sülhün mümkün olduğunu bəyan edib. O bildirib ki, bunun üçün Təl-Əviv mövqeyini dəyişməli və Dəməşqin hüquqlarına hörmət etməlidir.
İranda toqquşmada Devrim Mühafizləri generalı həlak olub
İranın cənub-şərq bölgəsində təhlükəsizlik qüvvələri ilə silahlı qruplar arasında baş verən toqquşmalarda İran Devrim Mühafizləri Ordusunun generalı Hüseyn Zarifi həlak olub. Məlumatı Devrim Mühafizləri Ordusunun Quru Qoşunlarına tabe Qüds Qərargahı yayıb.
Ukraynanın Rusiyaya dron hücumunda Azərbaycan əsilli şəxs həlak olub
Ukraynanın Rusiya ərazisinə həyata keçirdiyi dron hücumu nəticəsində Azərbaycan əsilli şəxs həyatını itirib. Ucar rayonunun Boyat kəndində anadan olmuş, 1977-ci il təvəllüdlü Hüseyn Əlimusa oğlu Musalıyev avtomobilinə dron düşməsi nəticəsində həlak olub.
Ərdoğan ABŞ ilə 100 milyard dollarlıq ticarət hədəfi elan edib
Türkiyə Prezidenti Rəcəb Tayyib Ərdoğan Nyu-Yorkda türk-amerikan iş dünyasının nümayəndələri ilə görüşərək ikitərəfli iqtisadi əlaqələrin gələcəyinə dair açıqlamalar verib. Ərdoğan ABŞ ilə 100 milyard dollarlıq ticarət həcmi hədəfinə tezliklə çatacaqlarına inandığını bildirib. Diplomatik əlaqələrin 100 illiyinə yaxınlaşdığı dövrdə bu hədəf irəli sürülüb.
Anthropic süni intellekti yeni ferment sistemi kəşf edib
Anthropic şirkəti bildirib ki, onun süni intellekt modeli Claude güclü gen redaktə aləti olan Crispr-ın arxasındakı mexanizmə bənzər yeni bir ferment sistemini müstəqil şəkildə kəşf edib. Bu, Anthropic-ın yeni açdığı laboratoriyadan əldə olunan ilk nəticədir və şirkət bunu süni intellektin elm sahəsindəki potensialının göstəricisi kimi dəyərləndirir.