ABŞ Qrenlandiyada iki hərbi bazada yerləşməyi planlaşdırır
ABŞ, Danimarka və Qrenlandiya arasında imzalanacaq yeni saziş çərçivəsində Vaşinqton Qrenlandiyada hərbi mövcudluğunu genişləndirməyi planlaşdırır. Məlumata görə, ABŞ burada iki hərbi obyektdə yerləşmək niyyətindədir - onlardan biri Soyuq Müharibə dövründən qalan bazadır. Sazişin bu gün Nyu-Yorkda imzalanması gözlənilir.
ABŞ-da fiber kabel qırılması minlərlə reysin ləğvinə səbəb olub
ABŞ-ın Nyu-Cersi ştatında fiber kabel xəttinin qırılması aviasiya sahəsində böyük böhrana yol açıb. Hadisə nəticəsində 1000-dən çox reys ləğv edilib. İnsident ölkənin aviasiya infrastrukturunun həssaslığını bir daha üzə çıxarıb.
Bakıda keçiriləcək ADEX 2026 sərgisində kamikadze robotları nümayiş olunacaq
Bakıda keçiriləcək ADEX 2026 sərgisində atıcı silahlar, kamikadze və müşahidə dronları, kamikadze robotları, sursatlar və artilleriya vasitələri nümayiş olunacaq. Azərbaycan Müdafiə Sənayesi Nazirliyi Aparatının rəhbəri Samir Ağababayev bu barədə mətbuat konfransında məlumat verib. Sərgilərdə 29 ölkədən 270-dən çox şirkətin iştirakı artıq təsdiqlənib.
Kreml Rusiyanın Ermənistandakı səfirinin dəyişdirilməsini nəzərdən keçirir
Rusiya Ermənistandakı səfiri Sergey Kopırkinin dəyişdirilməsini planlaşdırır və artıq onun yerinə namizəd axtarışına başlayıb. Ermənistan mətbuatında yayılan məlumata görə, Kopırkin 2027-ci ilin yanvarınadək İrəvanı tərk edə bilər. O, 2018-ci ildən Rusiyanın Ermənistandakı səfiri vəzifəsini icra edir. Kremlin səfirin fəaliyyətindən narazı olduğu bildirilir.
Xəzərdə iki yeni balıq növü kəşf edilib
Rusiya alimləri Xəzər hövzəsində, Azərbaycanın və Qazaxıstanın sahilləri yaxınlığında, eləcə də Volqa deltasında əvvəllər elmə məlum olmayan iki yeni xul balıq növü aşkar ediblər. Bu barədə Rusiya Elmi Fondunun Mətbuat xidməti məlumat yayıb.
Supermodel Cindy Crawford-ın oğlu 27 yaşında vəfat edib
Supermodel Cindy Crawford-ın oğlu, model Presley Gerber 27 yaşında həyatını itirib. Los-Anceles Bölgəsi Məhkəmə Tibb Qurumunun qeydlərinə əsasən, Gerber sentyabrın 20-də bir rehabilitasiya mərkəzində dünyasını dəyişib. Ölümün dəqiq səbəbi hələ müəyyən edilməyib.