ABŞ-İran münasibətlərində yeni ton: Vaşinqton danışıqlara hazır olduğunu bildirib
ABŞ-ın BMT-dəki daimi nümayəndəsi Mayk Vals İran rejiminin 1979-cu ildən bəri ən zəif vəziyyətdə olduğunu bəyan edib. Vals "Al-Monitor" xəbər saytının Nyu-Yorkda təşkil etdiyi tədbirdə çıxış edərək, İranın diplomatik danışıqlar masasına qayıtması üçün qapının açıq olduğunu vurğulayıb. O, İranın pul vahidinin dəyər itirdiyini də qeyd edib.
ABŞ və Çin süni intellekt sahəsində əməkdaşlığa razılaşıb
ABŞ-ın maliyyə naziri Skott Bessent Çinlə aparılan ticarət və süni intellekt müzakirələrinin müsbət nəticələndiyini açıqlayıb. Tərəflər süni intellekt sahəsində qarşılıqlı əməkdaşlıq mexanizminin yaradılması barədə razılığa gəliblər. Bu addım iki ölkə arasında texnologiya sahəsində gərginliyin azaldılmasına yönəlib.
Bitcoin bazarında güclü yüksəliş siqnalı
Bitcoin-in qiyməti son 45 həftə ərzində ilk dəfə olaraq 50 həftəlik orta göstəricisini üstələyib. Analitiklər bu tendensiyani güclü yüksəliş siqnalı kimi qiymətləndirirlər. Tarixən bu səviyyənin keçilməsi əhəmiyyətli qiymət artımlarından əvvəl müşahidə olunub.
Tokioda "Dujuan" qasırğası səbəbindən 460-dan çox uçuş ləğv edilib
Yaponiyaya yaxınlaşan güclü "Dujuan" qasırğası hava nəqliyyatını ciddi şəkildə iflic edib. Tokionun Haneda hava limanında 280-dən çox daxili və 60-a yaxın beynəlxalq reys, Narita hava limanında isə əsasən beynəlxalq marşrutlar üzrə 100-dən çox uçuş ləğv olunub. Ümumilikdə ən azı 461 aviareys təsirlənib.
Bakının Sabunçu rayonunda fərdi yaşayış evində yanğın baş verib
Bakının Sabunçu rayonunun Sabunçu qəsəbəsi, İ.Əfəndiyev küçəsində 10 otaqlı fərdi yaşayış evində yanğın hadisəsi qeydə alınıb. FHN-in "112" qaynar xəttinə daxil olan məlumatdan sonra əraziyə Dövlət Yanğından Mühafizə Xidmətinin qüvvələri cəlb edilib. Yanğının söndürülməsi istiqamətində tədbirlər görülüb.