Saat 15:00 - Xəbər İcmalı
Hantavirus yoluxanlar 42 gün karantinə alınacaq. MV Hondius kruiz gəmisində hantavirus yoluxmasına məruz qalan 14 ispaniyalı sərnişinin karantin müddəti 42 gün olaraq müəyyən edilib. İspaniyanın Səhiyyə məsələləri üzrə dövlət katibi Xavyer Padilya bu barədə açıqlama verib. Karantin müddəti mayın 6-dan başlayıb.
Çin və ABŞ narkotik qaçaqmalçılığına qarşı ortaq əməliyyat keçirib. Çin hüquq-mühafizə orqanları ilə ABŞ Ədliyyə Nazirliyinin Narkotiklərlə Mübarizə İdarəsi qanunsuz psixotrop dərmanların beynəlxalq ticarətində iştirak edən şəbəkəni aşkar edərək zərərsizləşdirib. Əməliyyat hər iki ölkənin narkotiklə mübarizədə əməkdaşlıq edəcəyini bir daha təsdiqlədi.
İran gərginliyi Almaniyada qaz qiymətlərini artıracaq. Almaniya Federal Şəbəkə Agentliyinin rəhbəri Klaus Müller İranla bağlı münaqişənin ölkədə qaz qiymətlərinin orta dərəcədə bahalaşmasına səbəb olacağını bildirib. Müller qeyd edib ki, birjalarda qaz almaq məcburiyyətində olan hər kəs bu müharibənin nəticələrini hiss edir.
Azərbaycanda küləkli hava ilə bağlı sarı xəbərdarlıq verilib. Milli Hidrometeorologiya Xidmətinin məlumatına görə, mayın 12-də Quba, Qusar, Xaçmaz, Şabran, Siyəzən, Xızı, Qobustan, Daşkəsən, Goranboy, Naftalan, Gəncə, Kəlbəcər, Laçın və Zəngilanda güclü küləkli hava şəraiti gözlənilir.
Bitcoin bazarında kəskin dalğalanmalar davam edir. Bitcoin qiyməti 82,400 dollar səviyyəsinə yüksəldikdən sonra 81,000 dollardan aşağı düşüb. CME futures bazarının açılışı və geopolitik risklərin artması kripto bazarda əhəmiyyətli dəyişikliklərə səbəb olub. Eyni zamanda, Canton Network rəqəmsal aktivlər platforması a16z Crypto rəhbərliyində 2 milyard dollar dəyərləndirmə hədəfinə çatmağa hazırlaşır.