Saat 23:00 - Xəbər İcmalı
Şamda avtobus partlayışı nəticəsində 5 nəfər yaralanıb. Suriyənin paytaxtı Şamda boş bir avtobusda güclü partlayış baş verib. Hadisə nəticəsində 5 nəfər xəsarət alıb və dərhal xəstəxanalara yerləşdirilib. Suriya rəsmi xəbər agentliyi SANA hadisə ilə bağlı Fövqəladə Hallar Nazirliyinin əməliyyat apardığını bildrib. Partlayışın səbəbləri hələlik araşdırılır.
"Neftçi" Premyer Liqada "Şamaxı"nı 3:0 məğlub edib. Azərbaycan Premyer Liqasının XXXI turunun oyununda "Neftçi" "Palms Sports Arena"da ev sahibi kimi rahat qələbə qazanıb. Bu nəticədən sonra "Neftçi" 53 xalla cədvəldə dördüncü pilləyə yüksəlib, "Şamaxı" isə 35 xalla səkkizinci sırada qalıb.
Xankəndidə Şəhərsalma üzrə Dünya Forumu çərçivəsində festival keçirilib. Mayın 10-da Xankəndi şəhərində WUF-13 forumu çərçivəsində geniş miqyaslı festival və atəşfəşanlıq təşkil olunub. Tədbirdə tanınmış sənətçilər konsert proqramı ilə çıxış ediblər, müxtəlif yaş qrupları üçün əyləncə proqramları hazırlanıb. Festival yerli sakinlər və forumun qonaqları tərəfindən böyük maraqla qarşılanıb.
Uber super-app strategiyasını sürətləndirir. Uber şirkəti özünü yalnız taksi xidməti deyil, geniş texnoloji platforma kimi mövqeləndirmək üçün addımlarını artırıb. Waymo-nun San Fransiskoda avtonom taksi xidmətinə başlaması fonunda Uber özünü avtonom avtomobil sənayesinin əsas tərəfdaşı - məlumat təminatçısı, investor və paylama platforması kimi təqdim etməyə davam edir.