Saat 13:00 - Xəbər İcmalı
Prezident Əliyev Avropa Siyasi Birliyinin Zirvə toplantısında çıxış edib
Azərbaycan Prezidenti İlham Əliyev "Avropa Siyasi Birliyi"nin İrəvanda keçirilən 8-ci Zirvə toplantısında videobağlantı formatında çıxış edib. Prezident bildirib ki, Azərbaycan cəmi doqquz aydır sülh şəraitində yaşayır. Eyni sammitdə Ukrayna Prezidenti Volodimir Zelenski Ermənistan və Azərbaycan arasında dayanıqlı, hərtərəfli və uzunmüddətli sülh arzuladığını ifadə edib. Ermənistanın Baş naziri Nikol Paşinyan isə Avropa Siyasi Birliyinin iki ölkə arasında sülh prosesində mühüm rol oynadığını vurğulayıb.
Makron: Fransa Hörmüz boğazında güc tətbiqində iştirak etməyəcək
Fransa Prezidenti Emmanuel Makron İrəvan sammitində Hörmüz boğazı ilə bağlı ABŞ planlarına münasibət bildirərək, güc istifadəsinə əsaslanan hər hansı əməliyyata Fransanın qatılmayacağını açıqlayıb. Boğazda gərginlik davam edən bir vaxtda Makronun bu bəyanatı Avropa ilə ABŞ arasında yanaşma fərqlərini bir daha ortaya qoyur.
Bakıda böyük narkotik əməliyyatı keçirilib
Bakı polisinin Narkotiklərlə Mübarizə İdarəsinin əməkdaşları paytaxtda keçirdikləri əməliyyatda 71 kiloqram tiryək və 13 min həb narkotik vasitə aşkar ediblər. Əməliyyat nəticəsində Cavid Zamanov, Ehtiram Abdullayev və İlkin Baxşıyev saxlanılıb. Narkotik maddələrin qanunsuz satışının qarşısının alınması məqsədilə həyata keçirilən əməliyyatın təfərrüatları açıqlanıb.
"Global Finance" ABB-ni "İlin ən yaxşı bankı" seçib
Nüfuzlu "Global Finance" jurnalı Azərbaycan Beynəlxalq Bankını ölkə üzrə "İlin ən yaxşı bankı" adına layiq görüb. Bu, son altı ildə bankın dördüncü dəfə bu mükafatı almasıdır. Qiymətləndirmədə ABB-nin mənfəətliliyi, inkişaf göstəriciləri və süni intellekt sahəsindəki texnoloji yenilikləri nəzərə alınıb.
"Hürriyyət" qəzetinin baş redaktorunun məhkəməsi başlayıb
"Hürriyyət" qəzeti və "Hürriyyət TV"nin baş redaktoru Vüqar Məmmədovun cinayət işi üzrə məhkəmə prosesi Bakı Ağır Cinayətlər Məhkəməsində başlayıb. Hakim Elmin Rüstəmovun sədrliyi ilə keçirilən ilk iclasda anket məlumatları təsdiq edilib və iş baxışa verilib.
Kolombiyada Monster Truck şousunda faciə baş verib
Kolumbiyanın Popayan şəhərində keçirilən "Monster Truck 2026" şousunda modifikasiya edilmiş kamyon nəzarətdən çıxıb. Hadisə nəticəsində bir uşaq daxil olmaqla 3 nəfər həlak olub, 40 nəfər yaralanıb.