Saat 8:00 - Xəbər İcmalı
Hindistanda mikroavtobus qəzasında doqquz nəfər həlak olub. Hindistanın cənubundakı Tamilnad ştatının Valparay təpələrində turist mikroavtobusu dağ yolundan dərəyə aşıb. Nəqliyyat vasitəsində 13 turist olub. Dolama dağ yolundan enərkən sürücü idarəetməni itirib və mikroavtobus dərəyə düşüb. Qəza nəticəsində doqquz nəfər həyatını itirib.
Almaniya artilleriya batalyonlarını kamikaze dronları ilə təchiz edəcək. Almaniya Silahlı Qüvvələri Quru Qoşunlarının artilleriya batalyonlarına baraj sursatı komplekslərinin daxil edilməsi planlaşdırılır. Hərbi təhlil portalı "Hartpunkt" general-leytenant Heyko Hübnerə istinadən bu barədə məlumat yayıb. Plan briqada və diviziya səviyyəsində əlavə artilleriya komplekslərinin alınmasını nəzərdə tutur.
Tramp UNO-larla bağlı hökumət sənədlərinin dərc olunacağını açıqlayıb. ABŞ Prezidenti Donald Tramp bildirib ki, hökumət yaxın vaxtlarda uçan naməlum obyektlərlə bağlı sənədləri ictimaiyyətə açıqlayacaq. Prezident müharibə katibinə bu istiqamətdə tapşırıq verib və prosesin sürətlə davam etdiyini vurğulayıb. Trampın sözlərinə görə, çox sayda maraqlı sənədlər aşkar edilib.
Kvant kompüterləri bitcoin təhlükəsizliyi üçün ciddi risk yaradır. Mütəxəssislər kvant hesablama texnologiyasının bitcoin şifrələmə sistemini kökündən dəyişə biləcəyi barədə xəbərdarlıq edirlər. Araşdırmalara görə, kvant kompüterləri rəqəmsal valyutanın təhlükəsizlik alqoritmlərini qısa müddətdə sındırmaq potensialına malikdir ki, bu da kriptovalyuta bazarı üçün əhəmiyyətli təhdid hesab olunur.