Opera və Balet Teatrının direktoru Mədəniyyət Nazirliyinə çağırılıb
Akademik Opera və Balet Teatrının direktoru Xalq artisti Yusif Eyvazov Mədəniyyət Nazirliyinə çağırılıb. Buna səbəb son günlər teatrın bəzi əməkdaşlarının rəhbərliklə bağlı narazılıqlarıdır. Yusif Eyvazovla nazirlikdə bu məsələlər ətrafında müzakirələr aparılıb. Məsələnin bundan sonrakı inkişafı diqqətlə izlənilir.
99-cu və 100-cü "Oskar" mərasimlərinin tarixləri açıqlanıb
ABŞ Kino Sənəti və Elmləri Akademiyası "Oskar" mükafatının 99-cu və 100-cü təqdimat mərasimlərinin keçiriləcəyi günləri elan edib. Qurumun rəsmi saytında yerləşdirilən açıqlamaya görə, 99-cu mükafatlandırma mərasimi 2027-ci il martında keçiriləcək. Kino dünyasının ən nüfuzlu mükafatı olan "Oskar"ın yubiley - 100-cü mərasiminin tarixi də rəsmən təsdiqlənib.
Edirnədə Dünya Romanlar Günü münasibətilə konsert təşkil olunub
8 Aprel Dünya Romanlar Günü münasibətilə Edirnədə Təpəcik Filarmoniya Orkestri xüsusi konsert proqramı ilə tamaşaçıların qarşısına çıxıb. Konsert Avropa Birliyi Türkiyə Nümayəndəliyinin dəstəyi ilə Edirne Ticarət və Sənaye Odası Konfrans zalında təşkil edilib. Tədbir roman mədəniyyətinin tanıdılması baxımından əhəmiyyətli hadisə kimi qiymətləndirilib.