Vəhşi quşlar daşınaraq aidiyyəti üzrə təhvil verildi

Hacıqabul rayonunda yerləşən "Qədir Xum" ailəvi istirahət mərkəzində saxlanılan vəhşi quşlar daşınaraq aidiyyəti üzrə təhvil verilib. Bu hadisə barədə məlumatı Azərbaycan Qida Təhlükəsizliyi Agentliyi (AQTA) yayıb.

Bu addım ictimai iaşə müəssisələrində və ailəvi istirahət mərkəzlərində vəhşi heyvanların və quşların nümayiş etdirilməsi hallarında yarana biləcək təhlükəli xəstəliklərin qarşısını almaq məqsədi daşıyır. Bu cür xəstəliklərin yayılmasının qarşısını kəsmək və biotəhlükəsizlik tədbirlərini görmək üçün Hacıqabul rayonunda yerləşən mərkəzdə epizootoloji komissiyanın üzvləri ilə birgə monitorinq keçirilib.

Monitorinq zamanı mütəxəssislər "Zoonoz xəstəliklərin başvermə riskinin aradan qaldırılması üçün baytarlıq nəzarətinin gücləndirilməsi haqqında" müvafiq Qərara uyğun hərəkət ediblər. Əməliyyat çərçivəsində vəhşi quşlara baytar həkim tərəfindən kliniki baxış keçirilib. Baxışdan sonra quşlar istirahət mərkəzindən daşınaraq aidiyyəti üzrə təhvil verilib. Həmçinin, istirahət mərkəzinin ərazisində dezinfeksiya, dezinseksiya və deratizasiya tədbirləri həyata keçirilib.