"Şimal İşıqları"na Bənzər Parıltı: Pomidor Ferması Səhvi

İngiltərənin Suffolk şəhərində maraqlı bir hadisə baş verib. Yerli sakin Di Harrison səhər işə gedərkən səmada "Şimal İşıqları"na bənzər parıltı görüb və sevinib. Harrison sosial media hesabında bu mənzərəni paylaşaraq, "Məncə, bu bir auroradır, daha əvvəl heç görməmişdim" - deyə yazıb.

Lakin sonra məlum olub ki, işıqlar Suffolkdakı bir pomidor fermasından əks olunub. Hadisə ilə bağlı araşdırmalar bölgədə “Şimal İşıqları” ilə bağlı aktivliyin olmadığını ortaya qoyub. Bənövşəyi-qırmızı parıltının əslində pomidor fermasından çıxan LED işıqları olduğu bildirilib.

Məlumata görə, bu cür qarışıqlıq əvvəllər də olub. Norviçdəki iki universitet tələbəsi otelin bənövşəyi işıqlarını “Şimal İşıqları” ilə səhv salıblar. Daha sonra onlar işıqların əslində otelə aid olduğunu başa düşüblər.