"Real" qərar verdi - Arda "bayram edəcək"

Real Madrid gələn mövsüm üçün yarımmüdafiə xəttini gücləndirməyə çalışırdı. İspaniya mediasında Madrid klubunun yeni transferlər edəcəyi barədə xəbərlər yayılmışdı. Əsas hədəflərdən biri kimi "Borussiya Dortmund"un futbolçusu Jobe Bellinghamın adı çəkilirdi. Lakin son məlumatlara görə, Real Madrid bu transferdən vaz keçib.

Transferin reallaşmaması türk futbolçu Arda Güler üçün vacib hadisədir. Məlumatlara görə, Jobe Bellingham klubda olsa, bu, Arda Gülərin əsas heyətə düşməsinə mane ola bilərdi. Hətta Jobe türk futbolçu ilə eyni mövqedə oynamasa da, onun komandaya gəlişi rəqabəti artıracaqdı. "E-Noticies" nəşri bildirir ki, "Real" Jobe Bellingham ilə müqavilə bağlamayacaq. Bu, Jude və Jobe qardaşlarının "Real Madrid"də birlikdə çıxış edə bilməyəcəyi deməkdir.

Jobe Bellinghamın növbəti dayanacağı isə "Mançester Yunayted" ola bilər. Türkiyə mediası artıq bu qərarın Arda Güler üçün böyük sevinc olduğunu qeyd edir. Real Madrid yarımmüdafiəyə əlavə oyunçu gətirməkdən imtina etməklə, Ardanın komandada daha çox şans qazanması üçün zəmin yaratmış oldu.