​Quba şəhərində yol nişanlanma işləri aparılır -FOTO

Azərbaycan Yerüstü Nəqliyyat Agentliyi (AYNA) regionlarda nəqliyyatın fasiləsizliyini təmin etmək və yol hərəkəti təhlükəsizliyini artırmaq üçün nişanlanma işlərini davam etdirir. Bu fəaliyyətlərin bir hissəsi olaraq, Quba şəhərində və ətraf ərazilərdə genişmiqyaslı xətləmə işləri görülür. Təhlükəsizliyin səviyyəsini yüksəltmək məqsədilə M1 Bakı-Quba-Rusiya Federasiyası ilə dövlət sərhədi avtomobil yolunun 208 kilometrlik hissəsində müvafiq yol nişanları quraşdırılır, eyni zamanda nişanlanma işləri həyata keçirilib.

AYNA əməkdaşları Quba şəhərinin mərkəzi küçələrində də iş aparıblar. Bu ərazilərə Heydər Əliyev prospekti, Zəfər, Nəriman Nərimanov və Cəfər Cabbarlı küçələri daxildir. Həmin küçələrdə üfüqi nişanlanma xətləri tamamilə yenilənib. Bu tədbirlər həm sürücülər, həm də piyadalar üçün yolda daha aydın və təhlükəsiz mühit yaradır.

Quba ərazisində ümumilikdə 37 kilometrlik ərazidə xətləmə işləri tamamlanıb. Yol hərəkəti təhlükəsizliyinin qorunması məqsədi daşıyan bu nişanlanma fəaliyyətləri hazırda da davam edir. AYNA regionlarda yol infrastrukturunun keyfiyyətini artırmağa xidmət edir.