Qazaxıstan-Azərbaycan İşgüzar Şurasının iclası keçirildi

Qazaxıstan–Azərbaycan İşgüzar Şurasının III iclası Astanada, Qazaxıstan–Azərbaycan biznes forumu çərçivəsində baş tutub. Tədbirin əsas mövzusu “İqtisadi əməkdaşlığın dərinləşdirilməsi və tərəfdaşlığın yeni üfüqləri” adlanırdı. İclas İqtisadiyyat Nazirliyinin dəstəyi ilə, İxracın və İnvestisiyaların Təşviqi Agentliyi (AZPROMO) və Qazaxıstanın Ticarət və İnteqrasiya Nazirliyinin birgə təşkilatçılığı ilə keçirildi.

İclasda iki ölkənin biznes dairələri arasında tərəfdaşlığın genişlənməsi müzakirə edildi. Həmçinin yeni imkanlar araşdırıldı və bir sıra şirkətlərə təşəkkürnamələr təqdim olundu. Tədbir iştirakçıları Azərbaycan və Qazaxıstan arasında investisiya əməkdaşlığının genişlənməsi məsələlərinə baxdılar. Onlar eyni zamanda, Qazaxıstan biznesinin Azərbaycandakı fəaliyyəti və iki ölkə arasında yaranan yeni tərəfdaşlıq imkanları barədə söhbətlər apardılar. Bu platformada Azərbaycan–Qazaxıstan İşgüzar Şurasının biznes dairələri arasında əlaqələrin möhkəmlənməsində oynadığı rolu xüsusi vurğulandı.

Daha sonra Şuranın əvvəlki iclasından sonra əldə olunan nəticələr təqdim olundu və gələcək fəaliyyət istiqamətləri açıqlandı. Tədbirin sonunda iclasın nəticələri ümumiləşdirildi. Hər iki ölkədən içki, qida sənayesi, tikinti və digər sahələrdə işləyən 14 şirkət təltif edildi. Bu şirkətlər Qazaxıstan və Azərbaycan arasında işgüzar münasibətlərin inkişafına verdikləri xüsusi töhfəyə görə təşəkkürnamələrlə mükafatlandırıldılar.